Raaghyn Creeney 1:11 - Yn Vible Casherick 1775 1819

¹¹ My jir ad, Tar mârin, lhig dooin lhie cooyl-chlea son fuill, lhig dooin farkiaght gyn-yss, as dy follit son y vooinjer neu-chyndagh, gyn oyr.

Raaghyn Creeney 1:11 ပူးပေါင်းရင်းမြစ်များ

Psalmyn 17:12

Myr y lion ta jollyssagh er e helg: as myr y lion aeg ta lhie gyn-yss ayns ynnydyn follit.

Psalmyn 35:7

Son ren ad dy follit soiaghey nyn ribbey dy my stroie gyn oyr: dy jarroo fegooish oyr ren ad ooig son m’annym.

Psalmyn 56:6

T’ad ooilley lhiantyn ry-cheilley, as freayll ad-hene dy follit: as cur tastey da my chesmadyn, tra t’ad lhie farkiaght son m’annym.

Raaghyn Creeney 1:16

Son ta ny cassyn oc roie gys olk, as jannoo siyr gys deayrtey folley.

Raaghyn Creeney 1:18

As t’ad soiaghey ribbaghyn son yn uill oc hene, t’ad lhie cooyl-chlea dy follit noi nyn mioys hene.

Raaghyn Creeney 12:6

Ta goan ny mee-chrauee dy lhie farkiaght son fuill: agh nee beeal y chloan chairal adsyn y livrey.

Raaghyn Creeney 24:15

Ny lhie cooyl-chlea, O ghooinney mee-chrauee, noi thie yn er-cairagh; as ny cur mow e ynnyd-vaghee.

Raaghyn Creeney 29:24

Quoi-theihll ta sheshey rish maarliagh, t’eh noid da e annym hene: t’eh er bree e loo, as cha vel eh soilshaghey yn ynrickys.

Raaghyn Creeney 30:14

Ta sheeloghe ayn, ta nyn veeacklyn myr cliwenyn, as nyn veeacklyn-keeill myr skynnyn, dy stroie ny boghtyn jeh’n thalloo, as ny ymmyrchee veih mastey deiney.

Jeremiah 11:19

Agh va mish goll-rish eayn ny dow t’er ny chur lesh dy ve er ny varroo; as cha row fys aym dy row ad er ghoaill drogh-choyrle m’oï, gra, Lhig dooin yn billey y stroie marish e vess, as lhig dooin eh y yiarey jeh veih cheer ny bioee, nagh bee yn ennym echey ny-sodjey ayns cooinaghtyn.

Jeremiah 5:26

Son mastey my phobble ta drogh gheiney ry-gheddyn: t’ad lhie farkiaght myr y chelgeyr; t’ad soiaghey ribbey, t’ad tayrtyn deiney.

Micah 7:2

Ta’n dooinney crauee er jerraghtyn veih yn thalloo; as cha vel fer ynrick mastey deiney: t’ad ooilley lhie cooyl-chlea son fuill: t’ad shelg dy chooilley ghooinney e vraar lesh ribbey.

Noo Ean 15:25

Agh ta shoh, dy vod y raa ve cooilleenit ta scruit ayns y leigh oc, Hug ad dwoaie dou gyn oyr.

Jannoo 23:15

Nish er-y-fa shen jean-jee shiuish as y choonceil fys y chur gys yn ard-chaptan, eh dy chur lesh eh fenish euish mairagh, myr dy beagh red ennagh eu dy gheddyn toiggal sodjey jeh mychione echey: as bee mainyn aarloo dy ghoaill e vioys my jig eh nyn vaare.

Jannoo 25:3

As geearree er yn foayr shoh n’oï, Eh dy chur fys er gys Jerusalem, kiarail ad-hene lhie cooyl-chlea er yn raad, dy ghoaill e vioys.