Raaghyn Creeney 1:10 - Yn Vible Casherick 1775 1819

¹⁰ My vac, my ta drogh-yantee dy dty violaghey, ny cur dty aigney lhieu.

Raaghyn Creeney 1:10 ပူးပေါင်းရင်းမြစ်များ

Genesis 37:20

Tar-jee nish, er-y-fa shen, as lhig dooin y varroo eh, as y hilgey ayns ooig ennagh; as jir mayd, Dy vel drogh veisht ennagh er stroie eh: as hee mayd, cre hig jeh e ghreamallyn.

Psalmyn 1:1

Bannit ta’n dooinney nagh vel er n’immeeaght ayns coyrle ny mee-chrauee, ny er hassoo ayns raad peccee: as nagh vel er hoie ayns stoyl ny craidoilee;

Psalmyn 50:18

Tra honnick oo maarliagh, va dt’aigney lesh: as t’ou er ghoaill ayrn mâroosyn ta brishey poosey.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Raaghyn Creeney 16:29

Ta’n dooinney dewil dy violaghey e naboo, as leeideil eh gys raad nagh vel mie.

Raaghyn Creeney 20:19

Eh ta goll mygeayrt myr skeealleyder, t’eh dy vrah folliaghtyn: er-y-fa shen, ny bee veg ayd dy yannoo rishyn, ta brynneraght lesh e veillyn.

Raaghyn Creeney 24:2

Son ta’n cree oc lhie ayns drogh-yannoo, as ta ny meillyn oc loayrt jeh molteyrys.

Isaiah 33:15

Eshyn ta gimmeeaght ayns ynrickys, as loayrt yn irriney; eshyn ta dwoaie echey er cosney tranlaasagh, ta craa e laueyn veih goaill leagh briwnys, ta dooney e chleayshyn veih clashtyn fuill, as jeigh e hooillyn veih fakin olk;

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

Ephesianee 5:11

As ny lhig da sheshaght erbee ’ve eu rish obbraghyn neu-vessoil y dorraghys, agh ny sleaie cur oghsan daue:

Deuteronomy 13:8

Cha jed oo mârish, ny geaishtagh rish; chamoo vees chymmey ec dty hooill er, chamoo nee oo sparail eh, chamoo nee oo keiltyn eh: