Raaghyn Creeney 1:1 - Yn Vible Casherick 1775 1819

¹ Raaghyn creeney Solomon mac Ghavid ree Israel.

Raaghyn Creeney 1:1 ပူးပေါင်းရင်းမြစ်များ

1 Reeaghyn 2:12

Eisht hoie Solomon er stoyl-reeoil David e ayr; as va e reeriaght dy mooar er ny niartaghey.

1 Reeaghyn 5:12

As hug y Chiarn creenaght da Solomon, myr yiall eh da: as va shee eddyr Hiram as Solomon; as ren adsyn ny-neesht conaant ry-cheilley.

1 Recortyssyn 22:9

Cur-my-ner, bee mac er ny ruggey dhyt’s, vees dooinney dy hee; as ver-yms fea da veih ooilley e noidyn er dy chooilley heu: son bee’n ennym echey Solomon, as ver-yms shee as fea da Israel rish y lhing echey.

1 Recortyssyn 28:5

As jeh ooilley my vec (son ta’n Chiarn er choyrt dou ymmodee mec) t’eh er reih Solomon my vac, dy hoie er stoyl-reeoil reeriaght y Chiarn harrish Israel.

1 Recortyssyn 29:23

Eisht hoie Solomon er stoyl-reeoil y Chiarn myr ree ayns ynnyd Ghavid e ayr, as v’eh er ny niartaghey, as hug ooilley Israel biallys da.

1 Recortyssyn 29:28

As hooar eh baase ayns shenn eash vie, bannit lesh laghyn liauyrey, berchys, as ooashley: as ren Solomon e vac reill ny ynnyd.

Raaghyn Creeney 10:1

Raaghyn creeney Solomon. Ta mac creeney gerjagh e ayrey; agh ta mac ommijagh trimshey da e voir.

Raaghyn Creeney 22:21

Dy chur dhyt toiggal shickyr ayns goan ny firriney; dy choyrt coyrle fondagh dauesyn shirrys hood.

Raaghyn Creeney 25:1

T’ad shoh myrgeddin raaghyn creeney Solomon, ren deiney Hezekiah ree Yudah y scrieu.

Ecclesiastes 1:1

Goan y phreachoor, mac Ghavid, ree Yerusalem.

Ecclesiastes 12:9

As ny-sodjey na shoh, er-yn-oyr dy row yn preachoor creeney, dynsee eh yn pobble dy imneagh ayns tushtey: dy jarroo hug eh tastey vie, as hir eh magh, as hug eh dy cheilley ymmodee raaghyn creeney.

Noo Ean 16:25

Ny reddyn shoh ta mee er loayrt riu ayns coraaghyn-dorraghey: agh ta’n traa cheet tra nagh loayr-ym riu ny smoo ayns coraaghyn-dorraghey, agh soilshee-ym diu dy foshlit jeh’n Ayr.