Psalmyn 99:5 - Yn Vible Casherick 1775 1819

⁵ O cur-jee ard-voylley da’n Chiarn y Jee ain: as tuitt-jee sheese er nyn ghlioonyn kiongoyrt rish stoyl e choshey, son t’eshyn casherick.

Lioar ny Psalmyn 1765 (Pointed)

⁵ O cur-jee ard-voylley da’n Chiarn y Jee ain: as tuitt-jee sheese er nyn ghlioonyn kiongoyrt rish stoyl e choshey, son t’eshyn casherick.

Psalmyn 99:5 ပူးပေါင်းရင်းမြစ်များ

1 Recortyssyn 28:2

Eisht hass David y ree seose, as dooyrt eh, Eaisht-jee rhym, my vraaraghyn, as my phobble, Er my hon’s, ve ayns my chree dy hroggal thie dy shickyr son arg conaant y Chiarn, as son stoyl-choshey nyn Yee, as ren mee kiarail ro-laue son yn obbyr:

Psalmyn 107:32

Dy jinnagh ad eshyn neesht y ghloyraghey ayns sheshaght y phobble: as eh y voylley ayns stoyl y chanstyr!

Psalmyn 108:5

Soie oo hene seose, O Yee, erskyn ny niaughyn: as dty ghloyr erskyn ooilley yn seihll;

Psalmyn 118:28

She uss my Yee, as ver-ym booise dhyt: uss my Yee, as ver-ym moylley dhyt.

Psalmyn 132:7

Hem mayd stiagh ayns y chabbane-agglish echeysyn: as tuittee mayd injil er nyn ghlioonyn kiongoyrt rish stoyl e choshey.

Psalmyn 21:13

Bee uss, Hiarn, er dty hoiaghey seose ayns dty niart hene: myr shen nee mayd goaill arrane, as moylley ’choyrt da dty phooar.

Psalmyn 34:3

O moylley-jee yn Chiarn mârym: as lhig dooin ard-voylley ’choyrt da’n Ennym echey ry-cheilley.

Psalmyn 99:3

Ver ad booise da dt’Ennym’s: ta mooar, yindyssagh, as casherick.

Psalmyn 99:9

O cur-jee ard-voylley da’n Chiarn yn Jee ain, as jean-jee eshyn y ooashlaghey er e chronk casherick: son ta’n Chiarn yn Jee ain casherick.

Exodus 15:2

Ta’n Chiarn my niart as my arrane, hug eh dou livrey-ys: eshyn my Yee, as trog-yms cummal casherick da; Jee my ayraghyn, as ver-ym ooashley da.

Isaiah 12:4

As ayns y laa shen nee shiu gra, Moylley-jee yn Chiarn, eïe-jee er e ennym, fockle-jee magh e yannoo mastey’n pobble, jean-jee gimraa er e ennym lesh ard-voylley,

Isaiah 25:1

O Hiarn, she uss my Yee; ver-ym ard-ooashley dhyt, ver-ym moylley da dty ennym; son t’ou er n’yannoo reddyn yindyssagh; ta ny coyrleyn ayd’s er-dyn toshiaght cairys as firrinys.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Hosea 11:7

As ta my phobble soit er skyrraghtyn voym; ga dy row eam oc gys yn er smoo syrjey, cha dug fer erbee ard-voylley da.

Leviticus 19:2

Loayr rish slane sheshaght chloan Israel, as abbyr roo, Bee-jee shiuish casherick: son ta mish y Chiarn y Jee eu casherick.