Psalmyn 97:7 - Yn Vible Casherick 1775 1819

⁷ Bee adsyn ooilley er nyn goyrt gys nearey ta cur ooashley da jallooyn grainnit, as ta goaill taitnys ayns Jeeghyn fardalagh: cur-jee ooashley dasyn, ooilley shiuish Yeeghyn.

Lioar ny Psalmyn 1765 (Pointed)

⁷ Bee adsyn ooilley er nyn goyrt gys nearey ta cur ooashley da jallooyn granit, as ta goaill taitnys ayns Jee'ghyn fardalagh: cur-jee ooashley dasyn, ooilley shiuish Yee'ghyn.

Psalmyn 97:7 ပူးပေါင်းရင်းမြစ်များ

2 Recortyssyn 3:13

Ren skianyn ny cherubim shoh skeayley ad-hene magh feed cubit; as v’ad shassoo er nyn gassyn, as va nyn eddinyn chyndaa stiagh.

Exodus 20:4

Cha jean oo dhyt hene jalloo granit erbee, ny co-chaslys jeh nhee erbee dy vel ayns niau heose, ny er y thalloo wass, ny t’ayns yn ushtey fo’n thalloo.

Exodus 25:20

As nee ny cherubim skeayley magh nyn skianyn dy ard, coodaghey stoyl y vyghin lesh nyn skianyn, as bee nyn eddin noi-ry-hoi: lesh stoyl y vyghin bee eddinyn ny cherubim.

Isaiah 41:29

Cur-my-ner, fardail ad ooilley; dyn veg ta nyn obbraghyn: ta nyn yallooyn lheït geay as shaghrynys.

Isaiah 42:17

Bee adsyn er ny chastey, as bee nearey trome orroosyn, ta coyrt nyn marrant er jallooyn grainnit, ta gra rish ny jallooyn lheït, Shiuish ny jeeghyn ainyn.

Isaiah 42:7

Dy osley sooillyn y doal, dy choyrt feaysley da ny pryssoonee, as dauesyn ta soie ayns dorraghys veih diunid y phryssoon.

Isaiah 45:16

Bee nearey orroo, as bee ad myrgeddin er nyn gastey, dagh fer jeu: bee ad ooilley naardey dy cheilley ta jannoo jallooyn.

Jeremiah 10:14

Ta dy chooilley ghooinney jeu bolvaneagh ayns tushtey; ta keeayl dy chooilley lheieder lheïe ersooyl lesh y jalloo grainnit: son ta’n jalloo lheït echey ny oalsaght, as cha vel ennal ayndoo.

Jeremiah 2:26

Myr ta nearey er y vaarliagh tra t’eh goit, myr shen ta nearey er thie Israel; orroo hene, nyn reeaghyn, nyn brinceyn, as nyn saggyrtyn, as nyn adeyryn,

Leviticus 26:1

Cha jean shiu diu hene jallooyn, ny jeeghyn grainnit; ny troggal diu hene pillar, ny soiaghey seose clagh-hoit ayns y cheer eu, dy chroymmey sheese huggey: son mish y Chiarn y Jee eu.

Deuteronomy 27:15

Cursit ta’n dooinney, ta jannoo jalloo erbee grainnit ny roit, ny red feohdoil da’n Chiarn, jeant liorish laueyn yn obbree, dy choyrt eh ayns ynnyd follit: as nee ooilley’n pobble gansoor, as gra, Amen.

Deuteronomy 5:8

Cha jean oo dhyt hene jalloo grainnit erbee, ny co-chaslys jeh nhee erbee t’ayns niau heose, ny t’er y thalloo wass, ny t’ayns ny ushtaghyn fo’n thalloo.

Hebrewnee 1:6

As reesht, tra t’eh coyrt lesh yn chied-er-ny-gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

1 Samuel 5:3

As tra dirree deiney Ashdod dy moghey laa-ny-vairagh, cur-my-ner, va Dagon er duittym er e eddin gys y thalloo kiongoyrt rish arg y Chiarn: as ghow ad Dagon, as hoie ad eh seose reesht ayns e ynnyd.