Psalmyn 97:6 - Yn Vible Casherick 1775 1819

⁶ Ta ny niaughyn er hoilshaghey e chairys: as ta ooilley yn pobble er vakin e ghloyr.

Lioar ny Psalmyn 1765 (Pointed)

⁶ Ta ny niaughyn er hoilshaghey e chairys: as ta ooilley yn pobble er akin e ghloyr.

Psalmyn 97:6 ပူးပေါင်းရင်းမြစ်များ

2 Samuel 22:47

Ta’n Chiarn bio; as bannit dy row my chreg, as ard-voylley dy row er ny choyrt da Jee, creg my haualtys.

Psalmyn 19:1

Ta ny niaughyn fockley magh gloyr Yee: as ta’n aer soilshaghey obbyr e laueyn.

Psalmyn 50:6

As nee ny niaughyn fockley magh e chairys: son Jee hene yn Briw.

Psalmyn 67:4

O lhig da ny ashoonyn boggey ’ghoaill as ve gennal: son nee uss y pobble y vriwnys dy cairal, as ny ashoonyn y reill er y thalloo.

Psalmyn 89:2

Son ta mee er ghra, Bee myghin er ny hoiaghey seose son dy bragh: dt’irriney nee oo y hickyraghey ayns ny niaughyn.

Psalmyn 89:5

O Hiarn, nee ny niaughyn hene dt’obbraghyn yindyssagh y voylley: as dt’irriney ayns sheshaght ny nooghyn.

Psalmyn 98:3

Ta’n Chiarn er hoilshaghey e haualtys: e chairys t’eh er hoiaghey magh dy foshlit ayns shilley ny ashoonyn.

Isaiah 1:2

Clasht-jee, O shiuish niaughyn, as eaisht, O halloo: son ta’n Chiarn er loayrt, Ta mee er voandyrys as er hroggal cloan, agh t’ad er n’irree-magh m’oï.

Isaiah 40:5

As bee gloyr y Chiarn er ny hoilshaghey; as nee dy chooilley eill fakin shoh, chammah yn derrey yeh as yn jeh elley: son ta beeal y Chiarn er loayrt eh.

Isaiah 45:6

Dy vod fys ’ve oc veih irree ny greïney, as veih’n neear, nagh vel Jee ayn er-lhimmey jeem’s: mish y Chiarn, as cha vel Jee erbee elley.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Isaiah 66:18

Son shione dou ny obbraghyn as ny smooinaghtyn oc: hig eh gy-kione, dy jean-yms chaglym dy chooilley ashoon as glare; as hig ad, as ver ad my-ner my ghloyr.

Habakkuk 2:14

Son bee yn thalloo er ny lhieeney lesh tushtey gloyr y Chiarn, myr ta ny ushtaghyn coodaghey diunid ny marrey.

Earrooyn 14:21

Agh cha firrinagh as ta mish bio, bee ooilley’n seihll er ny lhieeney lesh gloyr y Chiarn.

Noo Mian 6:9

Shen-y-fa er yn aght shoh gow-jee padjer: Ayr ain t’ayns niau, Casherick dy row dty ennym.

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er-shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.