Psalmyn 97:3 - Yn Vible Casherick 1775 1819

³ Hed aile magh roish: as loshtee eh seose e noidyn er dy chooilley heu.

Lioar ny Psalmyn 1765 (Pointed)

³ Hed aile magh roïsh: as loshtee eh seose e noidyn er dy-chooilley cheu.

Psalmyn 97:3 ပူးပေါင်းရင်းမြစ်များ

Psalmyn 18:8

Hie jaagh veih e enish: as aile va cur mow ass e veeal, myr shen dy row smarageyn er nyn voaddey lesh.

Psalmyn 18:9

Chroym eh ny niaughyn neesht, as haink eh neose: as ve dorraghey fo e chassyn.

Psalmyn 50:3

Hig y Jee ain, as cha bee eh ny host: hed aile roishyn nee toyrt-mow, as bee dorrin niartal er ny ghoostey seose mygeayrt-y-mysh.

Ezekiel 1:4

As yeeagh mee, as cur-my-ner haink geay-chassee ass y twoaie, bodjal vooar, as aile cassee, as soilshean mygeayrt-y-mysh, as ayns y vean echey va myr sollyssid amber ass mean yn aile.

Daniel 7:10

Ren strooan aileagh lhieeney, as haink eh magh veih kiongoyrt rish: va thousaneyn dy housaneyn shirveish er, as jeih thousane keayrtyn jeih thousaneyn shassoo kiongoyrt rish: va’n vriwnys soit, as ny lioaryn foshlit.

Habakkuk 3:5

Roishyn hie yn phaitt, as veih e chassyn hie magh smarageyn aileagh.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Deuteronomy 32:22

Son ta aile er vrishey magh ayns my yymmoose, nee lostey gys y diunid sodjey sheese, as ver eh mow yn thalloo, lesh e bishagh, as ver eh aile fo undinyn ny sleityn.

Deuteronomy 4:11

As haink shiu er-gerrey, as hass shiu ec cosh y clieau, as va’n slieau lostey lesh aile gys mean yn aer, lesh dorraghys, bodjallyn, as dorraghys dowin.

Deuteronomy 4:36

Veih niau hug eh ort clashtyn e choraa, dy voddagh eh dty ynsaghey: as er y thalloo hoilshee eh dhyt e aile vooar, as cheayll oo e ghoan ass mean yn aile.

Deuteronomy 5:4

Ren y Chiarn taggloo riu eddin ry eddin er y clieau, veih mean yn aile,

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

Hebrewnee 12:29

Son ta’n Jee ainyn myr aile ta coyrt mow.

Ashlish 11:5

As my nee dooinney erbee aggair daue, ta aile cheet magh ass nyn meeal, dy stroie nyn noidyn: as my nee dooinney erbee aggair daue, shoh myr vees eh er ny choyrt dy baase.

Ashlish 20:15

As quoi-erbee nagh row ry-gheddyn scruit ayns lioar y vea, v’ad er nyn dilgey ayns y logh dy aile.