Psalmyn 96:13 - Yn Vible Casherick 1775 1819

¹³ Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Lioar ny Psalmyn 1765 (Pointed)

¹³ Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Psalmyn 96:13 ပူးပေါင်းရင်းမြစ်များ

Psalmyn 50:3

Hig y Jee ain, as cha bee eh ny host: hed aile roishyn nee toyrt-mow, as bee dorrin niartal er ny ghoostey seose mygeayrt-y-mysh.

Psalmyn 67:4

O lhig da ny ashoonyn boggey ’ghoaill as ve gennal: son nee uss y pobble y vriwnys dy cairal, as ny ashoonyn y reill er y thalloo.

Psalmyn 7:9

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Psalmyn 96:10

Insh-jee mastey ny ashoonyn, dy nee yn Chiarn y Ree: as dy nee eshyn eh t’er n’yannoo yn seihll runt cha shickyr nagh vod eh ve er ny scughey, as kys dy jean eh yn pobble y vriwnys dy cairagh.

Psalmyn 98:9

Lhig da ny thooillaghyn nyn massyn y woalley, as lhig da ny croink ve gennal cooidjagh kiongoyrt rish y Chiarn: son t’eh cheet dy vriwnys y thalloo.

Isaiah 2:4

As nee eh briwnys mastey ny ashoonyn, as ver eh oghsan da ymmodee pobble; as obbree ad seose nyn gliwenyn gys yiarnyn-shesheree, as nyn shleiyghyn gys yiarnyn-foldyragh: cha jean ashoon cliwe y hroggal seose noi ashoon, chamoo nee ad gynsaghey yn keird-caggee ny smoo.

2 Thessalonianee 1:10

Tra hig eh dy ve er ny ghloyraghey ayns e nooghyn, as dy ve er y laa shen shilley yindyssagh ayndoosyn ooilley ta credjal (er-yn-oyr dy row yn recortys ainyn nyn mast’ eu er ny chredjal):

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my-lomarcan, agh dauesyn ooilley myrgeddin ta graihagh er y cheet echey.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Ashlish 11:18

As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta mhilley’n seihll.

Ashlish 19:11

As honnick mee niau foshlit as cur-my-ner, cabbyl bane: as va eshyn va markiagh er enmyssit Firrinagh as Ynrick, as ayns cairys t’eh briwnys as jannoo caggey.

Ashlish 22:10

As dooyrt eh rhym, Ny seal raaghyn phadeyrys y lioar shoh: son ta’n traa er-gerrey.