Psalmyn 96:12 - Yn Vible Casherick 1775 1819

¹² Lhig da’n magher ’ve lane dy voggey, as ooilley ny t’ayn: eisht nee ooilley biljyn y cheyll boggey ’ghoaill kiongoyrt rish y Chiarn.

Lioar ny Psalmyn 1765 (Pointed)

¹² Lhig da’n magher ’ve laane dy voggey, as ooilley ny t’ayn: eisht nee ooilley biljyn y cheyll boggey ’ghoaill kiongoyrt rish y Chiarn.

Psalmyn 96:12 ပူးပေါင်းရင်းမြစ်များ

Isaiah 35:1

Nee’n aasagh, as y reeastane goaill boggey jeu; bee’n fadaneys gennal, as blaaghey myr y rose.

Isaiah 35:2

Ver eh magh blaa dy palchey, as gowee eh boggey, eer lesh gennallys as arraneyn; bee gloyr Lebanon er ny choyrt da, aalid Charmel as Sharon; bee ad gloyr y Chiarn, as ard-ooashley nyn Yee.

Isaiah 44:23

Trog-jee kiaull, O shiuish niaughyn; son she yn Chiarn t’er n’yannoo eh: yllee-jee, shiuish ayrnyn s’inshley yn thallooin: brish-jee magh ayns kiaulleeaght, shiuish sleityn, O cheyll, as dy chooilley villey t’ayn: son ta’n Chiarn er livrey Jacob, as er ghloyraghey eh-hene ayns Israel.

Isaiah 49:13

Gow-jee arrane, O shiuish niaughyn; as gow uss boggey, O halloo; as brish-jee magh ayns bingys, O leityn; son ta’n Chiarn er gherjaghey e phobble, as bee eh myghinagh da e vooinjer seaghnit.