Psalmyn 94:6 - Yn Vible Casherick 1775 1819

⁶ T’ad dunverys y ven-treoghe, as y joarree: as cur y lhiannoo gyn ayr dy baase.

Lioar ny Psalmyn 1765 (Pointed)

⁶ T’ad dunverys y ven-treoghe, as y joarree: as cur y liannoo gyn ayr dy baase.

Psalmyn 94:6 ပူးပေါင်းရင်းမြစ်များ

Isaiah 10:2

Dy chassey briwnys yn ymmyrchagh, as dy ghoaill ersooyl nyn gair veih boghtyn my phobble, dy vod mraane-treoghe ’ve oc son spooilley, as dy yannoo cragh jeh’n chloan gyn ayr!

Jeremiah 22:3

Myr shoh ta’n Chiarn dy ghra, Shirveish-jee briwnys cairagh as jeeragh, as livrey-jee eshyn ta tranlaasit veih laue yn tranlaasagh: as ny jean-jee aggair, ny tranlaase erbee er y joarree, yn lhiannoo gyn ayr, ny’n ven-treoghe, chamoo jean-jee fuill gyn-loght y gheayrtey ’syn ynnyd shoh.

Jeremiah 7:6

Mannagh jean shiu tranlaase er y joarree, yn lhiannoo gyn ayr, as y ven-treoghe, as nagh deayrt shiu fuill gyn-loght ’sy voayl shoh, chamoo nagh n’eiyr shiu er jeeghyn elley gys yn assee eu hene:

Ezekiel 22:7

Aynyd’s t’ad er hoiaghey beg jeh ayr as moir: ayns dty vean t’ad er n’yannoo tranlaase er y joarree: aynyd’s t’ad er heaghney yn chloan gyn ayr, as y ven-treoghe.

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.