Psalmyn 94:1 - Yn Vible Casherick 1775 1819

¹ O Hiarn Yee, dhyt’s ta bentyn dy ghoaill kerraghey: uss Yee, dhyt’s ta kerraghey bentyn, jean oo hene y hoilshaghey.

Lioar ny Psalmyn 1765 (Pointed)

¹ O Hiarn Yee, dhyts ta bentyn dy ghoaill kerraghey: uss Yee, dhyts ta kerraghey bentyn, jean oo hene y hoilshaghey.

Psalmyn 94:1 ပူးပေါင်းရင်းမြစ်များ

2 Reeaghyn 9:7

As nee oo stroie thie Ahab dty vainshtyr, dy voddym cooilleeney ’ghoaill son fuill my harvaantyn ny phadeyryn, as fuill ooilley sharvaantyn y Chiarn, ec laue Jezebel.

Psalmyn 50:2

Magh ass Sion ta Jee er hoilshaghey eh-hene: ayns aalid firrinagh.

Psalmyn 80:1

Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Isaiah 35:4

Abbyr-jee roosyn ta lhag-chreeagh, Bee-jee dunnal, ny bee aggle erriu; cur-my-ner, hig y Jee euish lesh kerraghey, eer Jee lesh cooilleeney; hig eh, as sauee eh shiu.

Isaiah 59:17

Son hug eh er ynrickys myr eilley-broghil, as bayrn-caggee dy haualtys er e chione; as hug eh er garmadyn dy eulys son coamrey, as hug eh mysh graih jeean myr cloagey.

Jeremiah 50:28

Yn coraa ocsyn ta er chosney roue, as er scapail veih cheer Vabylon, dy ockley magh ayns Zion kerraghey voish y Chiarn y Jee ain, yn cooilleen t’eh er ghoaill son e hiamble.

Jeremiah 51:56

Er-yn-oyr dy vel y spooilleyder er jeet urree, eer er Babylon, as ta ny deiney niartal eck goit; ta ooilley ny bow’ghyn oc brisht, son nee yn Chiarn Jee, yn Lhiaseyder, dy shickyr cooilleeney.

Jeremiah 51:6

Cosne-jee magh veih Babylon, as saue-jee dagh dooinney e vioys; nagh bee shiu giarit jeh ayns e vee-chairys ecksh: son shoh traa yn Chiarn dy ghoaill cooilleeney urree, as dy choyrt jee leagh rere e toilliu.

Nahum 1:2

Ta Jee eadolagh, as ta’n Chiarn goaill kerraghey, ta’n Chiarn goaill cooilleeney, as t’eh eulyssagh, nee’n Chiarn goaill kerraghey er e noidyn; as freayll jymmoose cour e noidyn.

Romanee 12:19

Chaarjyn ghraihagh, ny gow-jee cooilleen ec nyn laue hene, agh ny sleaie lhig-jee lesh corree: son te scruit, Lhiam’s kerraghey; mish nee cooilleeney, ta’n Chiarn dy ghra.

Deuteronomy 32:35

Dooys ta bentyn kerraghey, as cooilleeney, nee’n chass oc skyrrey ayns traa cooie: son ta laa nyn dreihys er-gerrey, as ta ny reddyn hig orroo cheet dy tappee.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

Hebrewnee 10:30

Son shione dooin eshyn ren gra, Dooys te bentyn dy ghoaill kerraghey, Mish nee cooilleeney, ta’n Chiarn gra. As reesht, Nee’n Chiarn briwnys e phobble.