Psalmyn 92:7 - Yn Vible Casherick 1775 1819

⁷ Tra ta’n vee-chrauee glass myr y faiyr, as tra t’adsyn ooilley ta gobbraghey olkys bishaghey: eisht bee ad er nyn stroie son dy bragh: agh uss, Hiarn, yn Fer smoo syrjey son dy bragh.

Lioar ny Psalmyn 1765 (Pointed)

⁷ Tra ta’n vee-chrauee glass myr y faiyr, as tra t’adsyn ooilley ta gobbraghey olkys bishaghey: eisht bee ad er nyn stroie son dy-bragh; agh uss, Hiarn, yn Fer smoo syrjey son dy-bragh.

Psalmyn 92:7 ပူးပေါင်းရင်းမြစ်များ

Lioar Yob 12:6

Ta cabbaneyn ny roosteyryn bishaghey, as t’adsyn ta brasnaghey Jee ayns sauchys; gys ny laueyn oc ta Jee cur stiagh dy palchey.

Psalmyn 37:38

Freill oo hene gyn loght, as cur tastey da’n red ta jeeragh: son shen ver lesh shee gys dooinney ec y jerrey.

Psalmyn 73:12

Jeeagh, ad shoh ny mee-chrauee, ad shoh ta bishaghey ayns y theihll, as oc shoh ta berchys ayns nyn gummal: as dooyrt mee, Eisht ta mish er ghlenney my chree ayns fardail, as er niee my laueyn ayns ônid.

Psalmyn 73:22

Ny-yeih, ta mee kinjagh liort’s: son t’ou er my chummal rish my laue yesh.

Psalmyn 94:4

Caïd nee ooilley ny drogh-yantee loayrt cha mooaralagh: as goaill orroo lheid y voggyssagh voyrnagh?

Raaghyn Creeney 1:32

Son nee shaghrynys y vooinjer vee-cheeayllagh ad-hene y chur naardey, as nee’n maynrys seihltagh ommydanyn ad-hene y stroie.

Isaiah 37:27

Shen-y-fa va ny cummaltee oc jeh beggan bree; v’ad lhag-chreeagh as ny haart; v’ad myr faiyr y vagheragh, as myr y lhuss glass; myr glassyraght er mullagh ny thieyn, as myr arroo fowanit roish my te creen.

Malachi 3:15

As nish ta shin genmys ny mooaralee maynrey: dy jarroo ta adsyn, ta cur rish drogh-yannoo, er ny hoiaghey seose, dy jarroo ta adsyn, ta brasnaghey Jee, er ny livrey.

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

1 Peddyr 1:24

Son ta dy chooilley eill myr faiyr, as ooilley aalid dooinney myr blaa faiyr. Ta’n faiyr fioghey, as ta e vlaa tuittym ersooyl: