Psalmyn 92:12 - Yn Vible Casherick 1775 1819

¹² Nee nyn lheid as t’er nyn soiaghey ayns thie yn Chiarn: bishaghey ayns cooyrtyn thie yn Jee ain.

Lioar ny Psalmyn 1765 (Pointed)

¹² Nee nyn lheid as t’er nyn soiaghey ayns thie yn Chiarn: bishaghey ayns cooyrtyn thie yn Jee ain.

Psalmyn 92:12 ပူးပေါင်းရင်းမြစ်များ

1 Reeaghyn 4:33

As hug eh coontey jeh biljyn, veih’n billey-cedar t’ayns Lebanon eer gys y hyssop ta gaase ass y voall: hug eh coontey myrgeddin jeh beiyn, as jeh eeanlee, as jeh ny beishteigyn snauee, as jeh eeastyn.

1 Reeaghyn 6:29

As ren eh cummey ooilley voallaghyn y thie mygeayrt lesh caslyssyn grainnit cherubim, as biljyn-palm, as poseeyn ayns blaa, cheu-sthie as cheu-mooie.

Esther 9:5

Myr shoh woaill ny Hewnyn ooilley nyn noidyn lesh foyr y chliwe, as lesh cragh, as toyrt-mow, as ren ad cre bailloo rish nyn noidyn.

Psalmyn 1:3

As bee eh myr billey soit rish oirr yn ushtey: ver magh e vess ayns imbagh cooie.

Psalmyn 104:16

Ta biljyn y Chiarn myrgeddin lane dy hoo: dy jarroo cedaryn Libanus t’eshyn er hoiaghey;

Psalmyn 148:9

Sleityn as dy chooilley chronk: biljyn messoil, as dy chooilley villey cedar;

Psalmyn 37:34

Cha vaag y Chiarn eh ayns e laue: ny eh y gheyrey tra t’eh er ny vriwnys.

Psalmyn 52:8

Jeeagh shoh’n dooinney nagh ghow Jee son e niart: agh hug e varrant gys e verchys vooar, as ren eh-hene y niartaghey ayns e olkys.

Psalmyn 72:7

Ayns y lhing echeysyn nee yn vooinjer chairagh bishaghey: dy jarroo, as palchey dy hee, choud as ta’n eayst farraghtyn.

Psalmyn 92:7

Tra ta’n vee-chrauee glass myr y faiyr, as tra t’adsyn ooilley ta gobbraghey olkys bishaghey: eisht bee ad er nyn stroie son dy bragh: agh uss, Hiarn, yn Fer smoo syrjey son dy bragh.

Isaiah 55:13

Ayns ynnyd y drine nee gaase seose yn billey-juys, as ayns ynnyd y dress hig seose yn billey-myrtle: as bee eh da’n Chiarn son ennym, son cowrey dy bragh farraghtyn, nagh bee er ny yiarey jeh.

Isaiah 65:22

Cha jean adsyn troggal, as fer elley cummal ayn; cha jean ad soiaghey, as fer elley gee jeh: son myr laghyn billey ta laghyn my phobble, as yiow my chloan reiht soylley beayn jeh obbyr nyn laueyn.

Jeremiah 17:8

Son bee eh myr billey soit rish oirr yn ushtey, as ta skeayley magh e fraueyn rish yn awin, as cha n’ennee eh tra ta’n chiass loshtee cheet, agh bee e ghuillag glass; as ’sy vleïn ghonney cha bee eh anveagh, chamoo nee eh scuirr veih gymmyrkey mess.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Micah 7:10

Eisht nee ish ta my noid fakin shoh, as nee nearey ish y choodaghey, dooyrt rhym, Cre vel yn Chiarn yn Jee ayd? ver my hooillyn my-ner ee: nish bee ee stampit sheese myr laagh ny straidey.

Earrooyn 24:6

Myr ny coanyn t’ad er nyn skeayley magh, myr garaghyn liorish oirr ny hawinyn, myr ny biljyn lign-aloes ta’n Chiarn er hoiaghey, as myr ny biljyn-cedar liorish ny ushtaghyn.