Psalmyn 91:3 - Yn Vible Casherick 1775 1819

³ Son nee eh dty livrey veih ribbey yn shelgeyr: as veih’n chramp baasoil.

Lioar ny Psalmyn 1765 (Pointed)

³ Son nee eh dty livrey veih ribbeh yn shelgeyr: as veih’n chramp baasoil.

Psalmyn 91:3 ပူးပေါင်းရင်းမြစ်များ

2 Samuel 24:15

Myr shen hug y Chiarn y chramp er Israel, veih’n voghrey eer gys y laa pointit: as hooar baase jeh’n pobble, veih Dan eer gys Beer-sheba, three-feed as jeih thousaneyn.

1 Reeaghyn 8:37

My vees gortey ’sy cheer, my vees y chramp ayn, blest, millchea, locust, ny my vees y vraddag ayn; my nee nyn noid chionney ad stiagh ayns cheer nyn ard-valjyn, cre-erbee’n doghan, cre-erbee’n chingys t’ayn;

Psalmyn 124:7

Ta’n cooney ainyn shassoo ayns Ennym y Chiarn: ta er chroo niau as thalloo.

Psalmyn 141:9

Agh ta my hooillyn jeeaghyn hood’s, O Hiarn Yee: aynyd’s ta my hreishteil, O ny jean m’annym y hreigeil.

Psalmyn 68:21

Nee Jee broo kione e noidyn: as claigin renaigagh lheid y fer as ta goll kinjagh er e hoshiaght ayns e vee-chraueeaght.

Psalmyn 91:6

Roish y chramp ta shooyl ’sy dorraghys: ny roish y chingys ta stroie ec y vun-laa.

Raaghyn Creeney 6:5

Jean oo hene y livrey, myr y feeaïh veih laue y chelgeyr, as myr ushag ass laue y ribbeyder.

Raaghyn Creeney 7:23

Derrey bwoaillys side trooid yn aane echey, myr eean ta getlagh gys y ribbey, as nagh vel geill eck, dy vel eh soit son e bioys.

Ecclesiastes 9:12

Son ec dooinney myrgeddin cha vel fys er e hraa hene; myr ny eeastyn t’er ny hayrtyn ayns lieen baasoil, as myr ny eeanlee ta goit ’sy ribbey: shen myr ta cloan gheiney geulit ayns earish ghoogh, tra te tuittym doaltattym orroo.

Hosea 9:8

Va arreyder Ephraim marish my Yee: agh ta’n phadeyr ribbey shelgeyr ayns ooilley e raaidyn, as ayns myskid noi thie e Yee.

Amos 3:5

Vod ushag ve goit ayns ribbey er y vagher, raad nagh vel sniem soit er y hon? jean fer troggal seose ribbey veih yn thalloo, mannagh vel red ennagh goit ayn?

1 Timothy 6:9

Agh t’adsyn ta soit er ve berchagh tuittym ayns miolagh, as ribbey, as ayns ymmodee sayntyn olk as ommijagh, ta baih deiney ayns toyrt-mow as coayl-anmey.

2 Timothy 2:26

As dy vod ad feaysley ad-hene ass ribbey yn drogh-spyrryd, ta goit nyn gappee liorishyn ec e aigney.