Psalmyn 9:8 - Yn Vible Casherick 1775 1819

⁸ Son nee eh yn seihll y vriwnys ayns cairys: as shirveish briwnys firrinagh er y pobble.

Lioar ny Psalmyn 1765 (Pointed)

⁸ Son nee eh yn seihll y vriwnys ayns cairys: as shirveish briwnys firrinagh er y pobble.

Psalmyn 9:8 ပူးပေါင်းရင်းမြစ်များ

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

Psalmyn 10:16

Dy vod oo goaill y chooish ayns dty laue hene: ta’n boght coyrt e varrant hood’s; son uss yn fer-coonee ocsyn ta gyn caarjyn.

Psalmyn 29:10

Ver y Chiarn niart da e phobble: ver y Chiarn da e phobble yn bannaght dy hee.

Psalmyn 50:6

As nee ny niaughyn fockley magh e chairys: son Jee hene yn Briw.

Psalmyn 94:15

Derrey hyndaa-ys cairys reesht gys briwnys: nee adsyn ooilley ta firrinagh ayns cree geiyrt er.

Psalmyn 96:13

Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Psalmyn 98:9

Lhig da ny thooillaghyn nyn massyn y woalley, as lhig da ny croink ve gennal cooidjagh kiongoyrt rish y Chiarn: son t’eh cheet dy vriwnys y thalloo.

Psalmyn 99:4

Ta pooar y ree graihagh er briwnys; t’ou er hoiaghey seose cairys: t’ou er chooilleeney briwnys as ynrickys ayns Jacob.

Exodus 15:18

Nee’n Chiarn reill son dy bragh as dy bragh.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Jannoo 17:31

Er-yn-oyr dy vel eh er n’oardaghey laa ry-hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Romanee 2:16

Ayns y laa tra nee Jee folliaghtyn gheiney y vriwnys liorish Yeesey Creest, cordail rish y sushtal fo my churrym.