Psalmyn 9:20 - Yn Vible Casherick 1775 1819

²⁰ Cur ad ayns aggle, O Hiarn: dy vod fys ’ve ec ny ashoonyn nagh vel ad hene agh deiney.

Lioar ny Psalmyn 1765 (Pointed)

²⁰ Cur ad ayns aggle, O Hiarn: dy vod fys ’ve ec ny ashoonyn nagh vel ad hene agh deiney.

Psalmyn 9:20 ပူးပေါင်းရင်းမြစ်များ

2 Recortyssyn 14:10

Eisht hie Asa magh n’oï, as hayrn ad magh ayns order-caggee ayns coan Zephathah ec Mareshah.

Psalmyn 3:8

Ta Saualtys bentyn gys y Chiarn: as ta dty vannaght er dty phobble.

Psalmyn 62:9

Er son cloan gheiney, cha vel ad agh fardail: ta cloan gheiney molteyragh er ny meihaghyn, t’ad ooilley-cooidjagh ny s’eddrym na fardalys hene.

Psalmyn 76:12

Nee eshyn ginjillaghey spyrryd princeyn: as t’eh yindyssagh mastey reeaghyn y thallooin.

Exodus 15:16

Nee aggle as atchim tuittym orroo, liorish niart dty roih cha gleashee ad ny smoo na clagh, derrey hed dty phobble trooid [nyn droailt] O Hiarn, derrey hed y pobble ny hrooid, yn pobble t’ou er chosney [veih Egypt.]

Exodus 23:27

As hed my aggle royd, as nee’m ooilley’n pobble y stroie nyn ’oï t’ou goll, as ver-yms er ooilley dty noidyn dy choyrt cooyl rhyt.

Isaiah 31:3

Nish ta ny Egyptianee deiney, as cha nee Jee; as ta ny cabbil oc feill, as cha nee spyrryd. Tra heeynys y Chiarn magh e laue, nee chammah yn er-coonee tuittym, as eshyn t’eh cooney lesh, as hed ad ooilley naardey dy cheilley.

Jeremiah 32:40

As neem’s conaant foddey beayn y yannoo roo, nagh jyndaa-yms ersooyl voue, agh dy jean-yms mie daue; as ver-yms my aggle ayns nyn greeaghyn, nagh jean ad m’y hreigeil.

Ezekiel 28:2

Vac y dooinney, abbyr rish prince Tyrus, Myr shoh ta’n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Ezekiel 28:9

Jean oo foast gra kiongoyrt rishyn ta stroie oo, Ta mish my Yee? agh she dooinney vees oo, as cha nee Jee ’sy laue echeysyn ta dy stroie oo.

Ezekiel 30:13

Myr shoh ta’n Chiarn Jee dy ghra, Neem’s myrgeddin stroie ny jallooyn, as ver-ym er ny caslyssyn oc dy scuirr ayns Noph; as cha bee prince jeh cheer Egypt ayn: as nee’m aggle y choyrt ayns cheer Egypt.

Deuteronomy 2:25

Yn laa jiu neem’s toshiaght dy choyrt yn atchim, as yn aggle jeed’s, er dy chooilley ashoon fo niau nee clashtyn goo jeed, as bee ad er-creau, as ayns angaish kyndagh rhyt.