Psalmyn 9:19 - Yn Vible Casherick 1775 1819

¹⁹ Trog ort, Hiarn, as ny lhig da dooinney laue yn eaghtyr y gheddyn: lhig da ny ashoonyn v’er nyn mriwnys ayns dty hilley.

Lioar ny Psalmyn 1765 (Pointed)

¹⁹ Trogg ort, Hiarn, as ny lhig da dooinney laue yn eaghtyr y gheddyn: lhig da ny ashoonyn v’er nyn mriwnys ayns dty hilley.

Psalmyn 9:19 ပူးပေါင်းရင်းမြစ်များ

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

2 Recortyssyn 14:11

As deïe Asa gys y Chiarn e Yee, as dooyrt eh, Hiarn, te yn un chooid dhyt’s dy hauail, edyr y ve lesh mooarane, ny lesh beggan: cooin lhien, O Hiarn nyn Yee; son ort’s ta nyn marrant, as ayns dt’ennym ta shin goll noi’n earroo mooar shoh: O Hiarn, she uss nyn Yee, ny lhig da dooinney goaill niart ort.

Psalmyn 10:12

T’eh er ghra ayns e chree, Cha vel aggle orrym, ta Jee er yarrood: t’eh follaghey e eddin, as cha der eh dy bragh geill da.

Psalmyn 149:7

Dy ghoaill cooilleeney er ny ashoonee: as dy cherraghey yn pobble;

Psalmyn 3:7

Seose, Hiarn, as cooin lhiam, O my Yee: son t’ou bwoalley ooilley my noidyn er craue ny keeill; t’ou er vrishey feeacklyn ny mee-chrauee.

Psalmyn 44:23

Seose, Hiarn, cre’n-fa t’ou cadley: dooisht, as ny fuirree voïn er son dy bragh.

Psalmyn 44:26

Irree as cooin lhien: as livrey shin er graih dty vyghinyn.

Psalmyn 7:6

Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Psalmyn 79:6

Deayrt magh dt’eulys er ny ashoonyn nagh vel er choyrt enney ort’s: as er ny reeriaghtyn nagh vel er n’eamagh er dt’Ennym;

Psalmyn 80:2

Kiongoyrt rish Ephraim, Benjamin, as Manasses: gleashee seose dty niart, as tar as cooin lhien.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?

Jeremiah 10:25

Deayrt magh dt’eulys er ny ashoonyn nagh vel er choyrt enney ort’s, as er ny lught-thieyn nagh vel geamagh er dty ennym: son t’ad er stroie Jacob, as er choyrt eh mow as naardey, as er n’yannoo e ynnyd-vaghee ny hraartys.

Joel 3:12

Lhig da ny ashoonee ve er nyn ghoostey, as lhig daue cheet seose gys coan Yehoshaphat: son ayns shen neem’s soie dy vriwnys ooilley ny ashoonee ta mygeayrt.

Micah 5:15

As goym’s cooilleeney ayns jymmoose as eulys er ny ashoonee, lheid as nagh vel ad er chlashtyn.

Zephaniah 3:8

Shen-y-fa, fark-jee orrym’s, ta’n Chiarn dy ghra, derrey’n laa irree-ym seose gys y chragh: son ta mee kiarit dy haglym ny ashoonyn, dy hayrn cooidjagh ny reeriaghtyn, dy gheayrtey magh orroo my yymmoose, eer slane dewilys my chorree: son bee ooilley yn ooir er ny lostey seose lesh aile my eadolys.

Zechariah 14:18

As mannagh jed kynneeyn Egypt seose, ny cheet, adsyn nagh vel [feme] fliaghey: orroosyn hig yn kerraghey cheddin, ver y Chiarn er ny ashoonee, nagh jig seose dy reayll feailley ny cabbaneyn.

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press-feeyney jeh dewilys as jymmoose Yee ooilley-niartal.

1 Samuel 2:9

Nee eh coadey cassyn e nooghyn, as bee ny mee-chrauee nyn dhost ayns dorraghys; son liorish niart cha vow dooinney erbee yn varriaght.