Psalmyn 9:17 - Yn Vible Casherick 1775 1819

¹⁷ Bee ny drogh-yantee er nyn jyndaa gys niurin: as ooilley yn sleih ta jarrood Jee.

Lioar ny Psalmyn 1765 (Pointed)

¹⁷ Bee ny drogh-yantee er nyn jyndaa gys niurin: as ooilley yn sleih ta jarrood Jee.

Psalmyn 9:17 ပူးပေါင်းရင်းမြစ်များ

Lioar Yob 5:13

T’eh goaill y vooinjer chluicagh ayns y chialgeyrys oc hene; as cur shaghrynys er coyrle ny camlaagee.

Lioar Yob 8:13

Shen myr ta ny raaidyn ocsyn ooilley ta jarrood Jee; as nee treishteil yn chrauee-oalsey cherraghtyn:

Psalmyn 106:13

Agh ayns gerrit dy hraa yarrood ad ny obbraghyn echey: as cha jinnagh ad ad-hene y injillaghey gys e choyrle.

Psalmyn 44:17

Kyndagh rish goan yn fer-lunagh as y mollaghtagh: kyndagh rish y noid as yn eulyssagh.

Psalmyn 44:20

Cha vel, ga dy vel oo er woalley shin ayns ynnyd ny dragonyn: as er choodaghey shin lesh scadoo yn vaaish.

Psalmyn 49:14

T’ad lhie ’syn oaie myr kirree ta’n baase caigney orroo, as bee reill ec y sleih cairal harrystoo ’sy voghrey: hed yn aalid oc mow ayns yn oaie ass ny cummallyn oc.

Psalmyn 50:22

O smooinee-jee er shoh, shiuish ta jarrood Jee: er-aggle dy raip-ym shiu ersooyl, as nagh bee unnane erbee dy livrey shiu.

Raaghyn Creeney 14:32

Ta’n mee-chrauee eiyrit ersooyl ayns e olkys: agh ec yn er-crauee ta treishteil eer ayns e vaase.

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Isaiah 3:11

Smerg da’n drogh ghooinney! hig eshyn jeh dy doogh; son bee leagh e laueyn er ny choyrt da.

Isaiah 5:14

Shen-y-fa ta’n oaie er vooadaghey ee hene, as er vosley e beeal erskyn-towse: as nyn ghloyr, as y slane shiartanse jeu, as nyn mooaralys, as yn er boggyssagh, hed sheese ayn dy cheilley.

Jeremiah 13:25

Shoh dty chronney, yn ayrn eiraght t’ad voym’s, ta’n Chiarn dy ghra; er-y-fa dy vel oo er my yarrood, as er choyrt dty varrant er fardalys.

Jeremiah 18:15

Er-yn-oyr dy vel my phobble’s er my yarrood, t’ad er lostey incense gys fardalys, as t’adsyn er chur orroo dy skyrraghtyn veih my raaidyn, treigeil ny shenn cassanyn, dy hooyl ayns cassanyn cammey ayns raad neu-chiart;

Jeremiah 2:32

Vod moidyn jarrood e coamraghyn aalin? ny ben y phoosee e stoamid? ny-yeih ta my phobble er yarrood mish laghyn erskyn-earroo.

Jeremiah 3:21

Va coraa er ny chlashtyn er ny ard-ynnydyn, dobberan as keayney cloan Israel: son t’ad er hyndaa voym’s, as er yarrood yn Chiarn nyn Yee.

Ezekiel 22:16

As bee uss son an-ghoo as oltooan ayns shilley ny ashoonee, as bee fys ayd dy nee mish y Chiarn.

Hosea 2:13

As nee’m kerraghey urree laghyn Vaalim, ayndoo losht ee incense daue, as ren ee soiaghey magh ee hene lesh e fainaghyn-cleayshey, as e jewellyn, as hie ee geiyrt er e gimmanyn, as yarrood ee mish, ta’n Chiarn dy ghra.

Ashlish 20:15

As quoi-erbee nagh row ry-gheddyn scruit ayns lioar y vea, v’ad er nyn dilgey ayns y logh dy aile.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.