Psalmyn 9:16 - Yn Vible Casherick 1775 1819

¹⁶ Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Lioar ny Psalmyn 1765 (Pointed)

¹⁶ Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Psalmyn 9:16 ပူးပေါင်းရင်းမြစ်များ

2 Reeaghyn 19:19

Nish er-y-fa shen, O Hiarn nyn Yee, saue shin, ta mee guee ort, as y laue echey, dy vod fys ’ve ec ooilley reeriaghtyn ny hooirey dy nee uss y Chiarn Jee, eer uss dty-lomarcan.

Lioar Yob 18:9

Bee e voyn goit ’sy trap, as yiow’n roosteyr barriaght er.

Psalmyn 11:6

Ta’n Chiarn lowal jeh’n sleih cairagh: agh ta dwoaie ec e annym er y vee-chrauee, as ersyn ta shleeuit er olkys.

Psalmyn 140:9

Lhig da olkys nyn meillyn hene tuittym er y chione ocsyn: ta dy my hionney stiagh er dy chooilley heu.

Psalmyn 19:14

Lhig da goan my veeal, as smooinaghtyn my chree: ve dy kinjagh booisal ayns dty hilley,

Psalmyn 48:11

Shooill-jee mysh Sion, as immee-jee mygeayrt-y-mooee: as gow-jee coontey ny tooryn eck.

Psalmyn 5:1

Cur geill da my ghoan, O Hiarn: gow tastey jeh smooinaghtyn dowin my chree.

Psalmyn 7:16

T’eh er vosley as er chleiy ooig: as t’eh hene er duittym ayns y ribbey v’eh kiarail da fer elley.

Psalmyn 92:3

Er greïe-chiaull dy yeih strengyn, as er y lute: er greïe ard, as er y chlaasagh.

Exodus 14:10

As hayrn Pharaoh er-gerrey, as tra hrog cloan Israel seose nyn sooillyn, cur-my-ner, va ny Egyptianee marchal er nyn eiyrt’s; as v’ad ayns aggle mooar: as deïe pobble Israel dy ard gys y Chiarn.

Exodus 14:31

As honnick Israel yn obbyr vooar shen ren y Chiarn er ny Egyptianee: as ghow’n pobble aggle roish y Chiarn, as chred ad y Chiarn, as e harvaant Moses.

Exodus 14:4

As neem’s cree Pharaoh y chreoghey, dy jed eh er nyn eiyrt; as yioyms ooashley liorish soilshaghey my phooar er Pharaoh, as er ooilley e heshaght-chaggee; as bee fys ec ny Egyptianee dy nee mish y Chiarn. As shen myr ren ad.

Exodus 7:5

As bee toiggal ec ny Egyptianee, dy nee mish y Chiarn, tra nee’m my laue y heeyney magh er Egypt, as cloan Israel y choyrt lhiam veih ny mast’ oc.

Raaghyn Creeney 12:13

Ta’n fer olk goit liorish mee-reiltys e veillyn hene: agh hig y vooinjer ynrick ass seaghyn.

Raaghyn Creeney 6:2

T’ou ayns ribbey liorish goan dty veeal, t’ou goit lesh focklyn dty veeal hene.

Isaiah 28:13

Agh va goo yn Chiarn dauesyn sarey er sarey, sarey er sarey; line er line, line er line; nish ny veggan, as reesht ny veggan; dy voddagh ad gimmeeaght, as tuittym gour nyn drommey, as ve brisht, as sniemmit, as goit ’sy ribbey.

Isaiah 8:15

As nee ymmodee ny mast’ oc snapperal, as tuittym, as bee ad brisht, as goit ’sy ribbey.

Daniel 6:25

Eisht scrieu Darius gys dy chooilley phobble, ashoonyn as glaraghyn, ta cummal feaï-ny-cruinney, Shee dy row er ny vishaghey erriu.

Briwnyn 1:7

As dooyrt Adoni-bezek, Three-feed as jeih reeaghyn, va nyn ordaagyn laue as coshey giarit jeu, ren teiy nyn mee fo my voayrd’s: myr ta mish er n’yannoo, myr shen ta Jee er my chooilleeney. As hug ad lhieu eh gys Jerusalem, as hooar eh baase ayns shen.

1 Samuel 17:46

Yn laa jiu nee’n Chiarn uss y livrey gys my laue; as neem’s oo y woalley, as goym dty chione jeed; as ver-ym kirp armee ny Philistinee yn laa jiu da eeanlee’n aer, as da beishtyn feïe y vagheragh; dy vod fys v’ec ooilley’n seihll dy vel Jee ayns Israel.