Psalmyn 9:1 - Yn Vible Casherick 1775 1819

¹ Ver-yms booise dhyt’s, O Hiarn, lesh ooilley my chree: loayr-ym jeh ooilley dty obbraghyn mirrilagh.

Lioar ny Psalmyn 1765 (Pointed)

¹ Ver-yms booise dhyts, O Hiarn, lesh ooilley my chree: loayr-ym jeh ooilley dty obbraghyn mirrillagh.

Psalmyn 9:1 ပူးပေါင်းရင်းမြစ်များ

1 Recortyssyn 16:12

Cooinee-jee er ny obbraghyn yindyssagh t’eh er n’yannoo, e virrilyn, as briwnyssyn e veeal;

1 Recortyssyn 16:24

Insh-jee magh e ghloyr mastey ny ashoonee; e obbraghyn yindyssagh mastey dy chooilley ashoon.

Psalmyn 106:2

Quoi oddys obbraghyn ooasle y Chiarn y ockley magh: ny ooilley e voylley y hoilshaghey?

Psalmyn 111:1

Ver-yms booise da’n Chiarn lesh ooilley my chree: ayns sheshaght er-lheh yn vooinjer chrauee, as ayns chaglym y phobble.

Psalmyn 138:1

Ver-ym booise dhyt, O Hiarn, lesh ooilley my chree: dy jarroo fenish ny ainleyn goym arraneyn-moyllee hood’s.

Psalmyn 26:7

Dy voddym fockley magh yn coraa dy wooise: as soilshaghey ooilley dty obbraghyn yindyssagh.

Psalmyn 51:15

Nee uss my veillyn y osley, O Hiarn: as nee my veeal soilshaghey magh dty voylley.

Psalmyn 7:17

Son hig e obbyr er e chione hene: as tuittee yn olkys echey er e vollag hene.

Psalmyn 86:12

Ver-ym booise dhyt’s, O Hiarn my Yee, lesh ooilley my chree: as nee’m dt’Ennym y voylley son dy bragh.

Psalmyn 9:14

Dy voddym soilshaghey ooilley dty voylley cheu-sthie jeh giattyn inneen Sion: neem’s boggey ’ghoaill ayns dty haualtys.

Isaiah 12:1

As ayns y laa shen nee oo gra, O Hiarn, ver-ym moylley dhyt: ga dy r’ou corree rhym, ta dty yymmoose chyndaït ersooyl as t’ou dy my gherjaghey.

Isaiah 43:21

Ta mee er chummey yn pobble shoh dou hene; nee ad my voylley y hoilshaghey magh.

Isaiah 60:6

Nee camelyn erskyn earroo taaghey hood, dromedareeyn Vidian as Ephah; adsyn ooilley veih Sheba hig ad: ver ad lhieu airh as incense; as soilshee ad magh ard-voylley yn Chiarn.

Noo Luke 10:27

As dreggyr eshyn as dooyrt eh, Ver oo graih da’n Chiarn dty Yee lesh ooilley dty chree, as lesh ooilley dty annym, as lesh ooilley dty niart, as lesh ooilley dty aigney; as da dty naboo myr dhyt hene.

Hebrewnee 13:15

Liorishyn er-y-fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrilagh ta dty obbraghyn, Hiarn Yee Ooilley-niartal; cairagh as firrinagh ta dty raaidyn, uss Ree nooghyn.