Psalmyn 86:9 - Yn Vible Casherick 1775 1819

⁹ Hig ooilley ny ashoonyn t’ou er yannoo, as ver ad ooashley dhyt’s, O Hiarn: as nee ad dt’Ennym y ghloyraghey.

Lioar ny Psalmyn 1765 (Pointed)

⁹ Hig ooilley ny ashoonyn t’ow er yannoo, as ver ad ooashley dhyts, O Hiarn: as nee ad dt’Ennym y ghloyraghey.

Psalmyn 86:9 ပူးပေါင်းရင်းမြစ်များ

2 Recortyssyn 6:33

Eisht jean uss clashtyn veih ny niaughyn, eer veih dt’ynnyd-vaghee, as jean cordail rish ooilley ny ta’n joarree jannoo aghin hood er y hon; dy vod ooilley sheelnaue enney y choyrt er dt’ennym, as aggle ’ghoaill royd, myr ta dty phobble Israel, as dy vod fys ’ve oc dy vel y thie shoh ta mish er hroggal, enmyssit lurg dt’ennym:

Psalmyn 102:15

Nee ny ashoonyn aggle y ghoaill roish dt’Ennym, O Hiarn: as ooilley reeaghyn y theihll roish dt’Ard-ooashley;

Psalmyn 102:18

Bee shoh er ny scrieu son cooinaghtyn da sheelogheyn ry-heet: as nee pobble nagh vel foast er ny ruggey yn Chiarn y voylley;

Psalmyn 66:4

O tar-jee ayns shoh, as cur-jee tastey da obbraghyn Yee: cre cha yindyssagh as t’eh ayns e yannoo gys cloan gheiney!

Psalmyn 67:7

Nee Jee shin y vannaghey: as nee dy chooilley ard jeh’n seihll aggle y ghoaill roish.

Psalmyn 72:19

As bannit dy row ennym yn Ard-ooashley echey son dy bragh: as bee ooilley yn seihll er ny lhieeney lesh e Ard-ooashley. Amen, Amen.

Psalmyn 72:8

Bee yn reiltys echey myrgeddin veih un aarkey gys faarkey elley: as veih’n awin vooar gys ayrnyn sodjey yn ooir.

Isaiah 11:9

Cha jean ad gortaghey ny stroie ayns ooilley my lieau’s casherick: son bee yn seihll lane jeh tushtey yn Chiarn, myr ta ny ushtaghyn coodaghey diunid ny marrey.

Isaiah 43:7

Eer dagh unnane ta enmyssit orrym’s: son ta mee er chroo eh son my ooashley, ta mee er chummey eh; dy jarroo, ta mee er chiaddey eh.

Isaiah 59:19

Myr shen gowee ad aggle roish ennym y Chiarn veih’n neear, as roish e ghloyr veih irree ny greïney. Tra hig yn noid stiagh myr thooilley, nee Spyrryd y Chiarn troggal seose mergey noi echey.

Isaiah 66:23

As hig eh gy-kione, veih un eayst-noa gys eayst-noa elley, as veih doonaght dy doonaght, dy jig dy chooilley eill dy choyrt ooashley kiongoyrt rhym, ta’n Chiarn dy ghra.

Zephaniah 3:9

Son eisht ver-yms da’n pobble glare ghlen, dy vod ad ooilley geamagh er ennym y Chiarn, dy hirveish eh lesh un aigney.

Zechariah 14:9

As bee’n Chiarn ny ree harrish y slane seihll: ’sy laa shen vees un Chiarn, as yn ennym echey unnane.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Romanee 11:25

Son cha baillym, vraaraghyn, dy beagh shiu mee-hushtagh jeh’n folliaght shoh, (er-aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 15:9

As dy voddagh ny Ashoonyn-quaagh Jee y ghloyraghey son e vyghin; myr te scruit, Son yn oyr shoh ver-yms moylley dhyt mastey ny Ashoonyn-quaagh, as nee’m arrane y ghoaill gys dty ennym.

Ephesianee 1:12

Dy beagh shinyn, ren hoshiaght treishteil ayns Creest, gys moylley e ghloyr.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.

Ashlish 20:3

As hilg eh eh ayns y diunid gyn-grunt, as yeigh eh seose eh, as hug eh seal er, nagh jinnagh eh molley ny ashoonyn arragh, derrey veagh y thousane bleïn ec kione: as ny lurg shen, shegin da ve feayshlit son traa giare.