Psalmyn 86:8 - Yn Vible Casherick 1775 1819

⁸ Mastey ny Jeeghyn cha vel unnane erbee casley rhyt’s, O Hiarn: cha vel unnane oddys jannoo myr t’ou uss dy yannoo.

Lioar ny Psalmyn 1765 (Pointed)

⁸ Mastey ny Jee'ghyn cha vel unnane erbee casley rhyts, O Hiarn: cha vel unnane oddys jannoo myr t’ow uss dy yannoo.

Psalmyn 86:8 ပူးပေါင်းရင်းမြစ်များ

2 Recortyssyn 2:4

Cur-my-ner, ta mee troggal thie gys ennym y Chiarn my Yee, dy chasherickey eh huggeysyn, as dy lostey kiongoyrt rish oural-millish, as son yn arran casherick dy ve soit magh dy kinjagh, as son ny chebballyn-losht moghrey as fastyr, er ny dooneeyn, as er ny eaystyn-noa, as er feaillaghyn casherick y Chiarn nyn Yee. Ta shoh ny oardagh kinjagh da Israel.

Psalmyn 135:5

Son ta fys aym dy vel y Chiarn mooar: as dy vel y Chiarn ainyn erskyn dy chooilley yee.

Psalmyn 136:4

Ta ny-lomarcan jannoo yindyssyn mooarey: son ta e vyghin farraghtyn son dy bragh.

Psalmyn 89:6

Son quoi eh erskyn ny bodjallyn: vees er ny hoylaghey rish y Chiarn?

Psalmyn 89:7

As quoi eshyn mastey ny Jeeghyn: vees casley rish y Chiarn?

Psalmyn 89:8

Ta aggle feer vooar dy v’er ny ghoaill roish Jee ayns chaglym-cooidjagh ny nooghyn: as ta arrym dy ve er ny choyrt da lioroosyn ooilley ta mygeayrt-y-mysh.

Psalmyn 95:3

Son ta’n Chiarn ny Yee mooar: as ny Ree mooar erskyn dy chooilley Yee.

Exodus 15:11

Quoi ta casley rhyt’s, O Hiarn, mastey ny jeeghyn! quoi ta casley rhyt, gloyroil ayns casherickys, ta moylley cair dhyt lesh arrym, uss ta gobbraghey mirrilyn?

Exodus 8:6

As ren Aaron e laue y heeyney magh harrish ushtaghyn Egypt; as haink ny froggyn seose, as choodee ad thalloo Egypt.

Isaiah 40:18

Quoi rish eisht nee shiu Jee y hoylaghey, ny cre’n caslys ver shiu da?

Isaiah 40:25

Quoi rish eisht nee shiu m’y hoylaghey? ny quoi rish nee shiu m’y chormal? ta’n Jee casherick dy ghra.

Jeremiah 10:16

Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Daniel 3:29

Shen-y-fa ta mish jannoo slattys, Dy chooilley phobble, ashoon, as glare, loayrys nhee erbee noi Jee Shadrach, Meshach as Abed-nego, dy bee ad er ny yiarey ayns peeshyn, as ny thieyn oc jeant ny horran, er-yn-oyr nagh vel Jee erbee elley oddys livrey er yn aght shoh.

Deuteronomy 3:24

O Hiarn Yee, t’ou er n’yannoo toshiaght dy hoilshaghey da dty harvaant dty phooar, as dty laue niartal: son quoi’n Jee, edyr ayns niau ny er y thalloo, oddys jannoo cordail rish dty obbraghyn, as cordail rish dty niart?

Deuteronomy 4:34

Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?