Psalmyn 86:7 - Yn Vible Casherick 1775 1819

⁷ Ayns earish my heaghyn nee’m geamagh ort: son t’ou dy my chlashtyn.

Lioar ny Psalmyn 1765 (Pointed)

⁷ Ayns earish my heaghyn nee’m geamagh ort: son t’ow dy my chlashtyn.

Psalmyn 86:7 ပူးပေါင်းရင်းမြစ်များ

Psalmyn 142:1

Hrog mee seose my choraa gys y Chiarn: dy jarroo, gys y Chiarn ren mee my aghin.

Psalmyn 142:3

Tra va my spyrryd ayns trimshey, va sooill ayd er my chassan: ayns y raad va mee shooyl t’ad dy follit er hoiaghey ribbey er my hon.

Psalmyn 17:6

Ta mee er n’eamagh ort, O Yee, son nee oo m’y chlashtyn: croym dty chleaysh hym, as eaisht rish my ghoan.

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Isaiah 26:16

Hiarn, ayns seaghyn t’ad er yeeaghyn er dty hon; gheayrt ad magh padjer tra va dty smaght orroo.

Jonah 2:2

As dooyrt eh, Deïe mee kyndagh rish my heaghyn gys y Chiarn, as ren eh my chlashtyn; veih diunid yn oaie deïe mee, as cheayll oo my choraa.

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;