Psalmyn 86:5 - Yn Vible Casherick 1775 1819

⁵ Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Lioar ny Psalmyn 1765 (Pointed)

⁵ Son t’ow uss, Hiarn, mie as graysoil: as jeh myghin vooar dauesyn ooilley ta geamagh ort.

Psalmyn 86:5 ပူးပေါင်းရင်းမြစ်များ

Nehemiah 9:17

As dob ad dy ve biallagh, chamoo dreill ad ayns cooinaghtyn dty yindyssyn ren oo ny mast’ oc: agh chreoi ad nyn mwannal, as ayns yn irree-magh oc phoint ad captan, dy hyndaa reesht gys nyn mondiaght: agh t’ou uss Jee arryltagh dy phardooney, graysoil as myghinagh, moal gys corree, as dy chenjallys vooar, as cha ren oo ad y hreigeil.

Psalmyn 103:3

Ta leih ooilley dty pheccah: as slaanaghey ooilley dty ghoghanyn;

Psalmyn 103:8

Ta’n Chiarn lane dy hymmey as dy vyghin: surranse-foddey, as jeh mieys vooar.

Psalmyn 119:68

T’ou uss mie as graysoil: O ynsee dou dty lattyssyn.

Psalmyn 130:4

Agh mayrt’s ta myghin: shen-y-fa bee aggle er ny ghoaill royd.

Psalmyn 130:7

O Israel, cur dty hreishteil ayns y Chiarn, son marish y Chiarn ta myghin: as mârishyn ta livrey-ys niartal.

Psalmyn 145:18

Ta’n Chiarn er-gerrey dauesyn ooilley ta geamagh er: dy jarroo, dauesyn ooilley ta geamagh er ayns ynrickys.

Psalmyn 25:8

Adsyn ta imlee nee eh leeideil ayns briwnys: as dauesyn ta meen, ynsee eh e raad.

Psalmyn 36:7

Coadee uss, Hiarn, chammah dooinney as baagh; Cre cha ooasle ta dty vyghin, O Yee: as ver cloan gheiney nyn marrant fo scaa dty skianyn.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 52:1

Cre hon t’ou boggyssagh jeed hene, uss hranlaasagh: dy vod oo olk y yannoo;

Psalmyn 69:14

Clasht rhym, O Yee, ayns earroo dty vyghin: dy jarroo ayns firrinys dty haualtys.

Psalmyn 69:16

Ny lhig da ny thooillaghyn ushtey mee y vaih, chamoo lhig da’n diunid mee y lhuggey seose: as ny lhig da’n ooig e beeal y yeigh orrym.

Psalmyn 86:15

Agh t’ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

Exodus 34:6

As hie’n Chiarn shaghey kiongoyrt rish, as ren eh fockley magh, yn CHIARN, yn CHIARN JEE, myghinagh as graysoil, jeh surranse-foddey, as feoiltagh ayns mieys as ayns ynrickys,

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Jeremiah 33:3

Eïe orrym’s, as nee’m oo y reggyrt, as jeeagh-ym dhyt reddyn mooarey as yindyssagh, nagh vel toiggal ad jeu.

Ezekiel 36:33

Myr shoh ta’n Chiarn Jee dy ghra, Er y laa veem’s er ghlenney shiu veih ooilley nyn ghrogh-yannoo, ver-ym erriu neesht dy chummal ayns ny ard-valjyn eu hene, as bee ny tholtanyn troggit reesht.

Ezekiel 36:37

Myr shoh ta’n Chiarn Jee dy ghra, Nee thie Israel foast shirrey hym dy yannoo shen er nyn son; nee’m adsyn y vishaghey lesh deiney myr shioltane.

Daniel 9:9

Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï:

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Jonah 4:2

As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

Jannoo 2:21

As hig eh gy-kione, quoi-erbee eïe-ys er ennym y Chiarn, dy bee eh er ny hauail.

Ephesianee 2:4

Agh Jee, ta berchagh ayns myghin, er e ghraih vooar liorish bynney lesh shin,