Psalmyn 85:9 - Yn Vible Casherick 1775 1819

⁹ Son ta e haualtys er-gerrey dauesyn ta goaill aggle roish: dy vod gloyr tannaghtyn ayns y cheer ain.

Lioar ny Psalmyn 1765 (Pointed)

⁹ Son ta e haualtys er-gerrey dauesyn ta goaill aggle roïsh: dy vod gloyr tannaghtyn ayns y cheer ain.

Psalmyn 85:9 ပူးပေါင်းရင်းမြစ်များ

Psalmyn 119:155

Ta slaynt foddey voish ny mee-chrauee: son cha vel ad cur geill da dty lattyssyn.

Psalmyn 50:23

Quoi-erbee ta chebbal dou booise as moylley, t’eh cur onnor dou: as dasyn, ta reill e ymmyrkey dy cair, soilshee-yms saualtys Yee.

Isaiah 4:5

As er ooilley ynnydyn-vaghee cronk Zion, as er e slane sheshaght, nee’n Chiarn bodjal as jaagh y chiaddey ’sy laa, as soilshean aile sollys ’syn oie: bee coodagh er ooilley yn ghloyr.

Isaiah 46:13

Ver-ym lhiam my ynrickys er-gerrey; cha bee eh foddey jeh, as cha jean my haualtys cumrail; as soie-yms saualtys ayns Zion cour Israel my ghloyr.

Jeremiah 23:35

Myr shoh jirrys shiu dagh dooinney rish e naboo, as dagh fer rish e vraar, Cre’n ansoor ta’n Chiarn er choyrt? as cre ta’n Chiarn er loayrt?

Jeremiah 23:37

Myr shoh jirrys oo rish y phadeyr, Cre’n ansoor ta’n Chiarn er choyrt dhyt? as, Cre ta’n Chiarn er ghra?

Jeremiah 29:11

Son ta fys aym cre t’ayns my chree nyn gour, ta’n Chiarn dy ghra, smooinaghtyn dy hee, as cha nee dy cherraghey, dy chur diu yn jerrey ta shiu jerkal er y hon.

Ezekiel 26:20

Tra ver-yms lhiam sheese oo, mâroosyn ta goll sheese gys yn oaie, marish pobble y chenn earish, as ver-ym ort dy lhie fo diunid ny hooirey, ayns boayl foddey treigit, mâroosyn ta goll sheese gys yn oaie, nagh bee cummaltee aynyd; as nee’m soiaghey gloyr ayns thalloo ny bioee:

Ezekiel 3:10

Dooyrt eh rhym ny-sodjey, Vac y dooinney, ooilley my ghoan loayr-yms rhyt, gow stiagh ayns dty chree, as clasht rish lesh dty chleayshyn.

Habakkuk 2:1

Nee’m shassoo er my arrey, as soie-ym er y toor, as freill-ym arrey, dy yeeaghyn cre jir eh rhym, as cre’n ansoor ver-ym stiagh, tra hig plaiynt m’oï.

Zechariah 2:5

Son beem’s jeeish, ta’n Chiarn dy ghra, voalley dy aile ooilley mygeayrt, as beem’s yn ghloyr ayns y vean eck.

Zechariah 2:8

Son myr shoh ta Chiarn ny flaunyssee dy ghra, Ta Jee ny ghloyr er my choyrt noi ny ashoonee ren shiuish y spooilley, son eshyn vennys riuish, t’eh bentyn rish clagh y thooill echeysyn.

Noo Luke 2:32

Soilshey dy hoilshean er ny Ashoonee, as gloyr dty phobble Israel.

Noo Ean 1:14

As ghow yn Goo er dooghys ny foalley, as ren eh baghey nyn mast’ ain (as hug shin my-ner yn ghloyr echey, yn ghloyr myr jeh’n ynrycan Mac er-ny-gheddyn jeh’n Ayr) lane dy ghrayse as dy irrinys.

Noo Ean 7:17

My vees dooinney erbee aggindagh yn aigney echeysyn y yannoo, yiow eh toiggal jeh’n ynsagh, nee veih Jee te, ny vel mee loayrt jee’m pene.

Jannoo 13:16

Eisht hass Paul seose, as troggal seose e laue, dooyrt eh, Gheiney Israel, as shiuish ta goaill aggle roish Jee, eaisht-jee.

1 Samuel 3:9

Shen-y-fa dooyrt Eli rish Samuel, Gow royd dy lhie; as my ver eh eam dhyt, nee oo freggyrt, Loayr, Hiarn, son ta dty harvaant clashtyn. Er shoh hie Samuel dy lhie sheese ayns e ynnyd.