Psalmyn 85:8 - Yn Vible Casherick 1775 1819

⁸ Eaisht-ym cre jir y Chiarn my-mychione’s: son nee eh shee y loayrt rish e phobble, as rish e nooghyn, nagh jyndaa ad reesht gys ommijys.

Lioar ny Psalmyn 1765 (Pointed)

⁸ Eaisht-ym cre jirr y Chiarn my mychione’s: son nee eh shee y loayrt rish e phobble, as rish e nooghyn, nagh jyndaa ad reesht gys ommijys.

Psalmyn 85:8 ပူးပေါင်းရင်းမြစ်များ

Genesis 34:7

As haink mec Yacob veih’n vagher tra cheayll ad jeh, as va ny deiney seaghnit, as v’ad feer jymmoosagh; er-yn-oyr dy row eh er hayrn scammylt er Israel, ayns lhie marish inneen Yacob, red nagh lhisagh ve jeant.

Psalmyn 130:4

Agh mayrt’s ta myghin: shen-y-fa bee aggle er ny ghoaill royd.

Psalmyn 50:5

Chaggle-jee my nooghyn cooidjagh hym’s: ad shen ta er n’yannoo conaant rhym lesh oural;

Raaghyn Creeney 25:11

Fockle ta loayrit dy cooie, te goll-rish ooylyn airhey ayns baskadyn argid.

Raaghyn Creeney 27:22

Ga dy jinnagh oo ommydan y vroo ayns mortar, mastey curnaght, lesh pestyl, foast cha jean eh scarrey rish e ommijys.

Isaiah 57:19

Ta mee croo mess ny meillyn; Shee, shee ersyn ta foddey jeh, as ersyn ta er-gerrey, ta’n Chiarn gra; as neem’s eh y lheihys.

Habakkuk 2:1

Nee’m shassoo er my arrey, as soie-ym er y toor, as freill-ym arrey, dy yeeaghyn cre jir eh rhym, as cre’n ansoor ver-ym stiagh, tra hig plaiynt m’oï.

Haggai 2:9

Bee gloyr y thie s’jerree shoh ny smoo na gloyr yn chied thie, ta Chiarn ny flaunyssee dy ghra: as ayns yn ynnyd shoh ver-yms shee, ta Chiarn ny flaunyssee dy ghra.

Zechariah 9:10

As giare-ym jeh yn ainagh voish Ephraim, as y cabbyl veih Jerusalem, as bee’n bow-chaggee er ny vrishey, as loayree eh shee rish ny ashoonee: as bee yn reeriaght eer veih keayn gys keayn, as veih yn awin gys ardjyn sodjey magh y thallooin.

Noo Ean 14:27

Shee ta mee dy aagail mêriu, my hee ta mee dy choyrt diu: cha nee myr ta’n seihll coyrt, ta mish dy choyrt eh diu. Ny lhig da’n cree eu ve seaghnit, chamoo lhig da aggle y ve er.

Noo Ean 20:19

Eisht er y laa cheddin, yn chied laa jeh’n chiaghtin, ayns yn astyr, tra va ny dorryssyn dooint, raad va ny ostyllyn er nyn jaglym cooidjagh ayns aggle roish ny Hewnyn, haink Yeesey as hass eh kiongoyrt roo, as dooyrt eh roo, Shee dy row hiu.

Noo Ean 20:26

As lurg hoght laa reesht va ny ostyllyn echey sthie, as Thomase mâroo: eisht haink Yeesey, as ny dorryssyn dooint, as hass eh kiongoyrt roo, as dooyrt eh, Shee dy row hiu.

Noo Ean 5:14

Ny lurg shen hooar Yeesey eh ayns y chiamble, as dooyrt eh rish, Cur-my-ner, t’ou er dty laanaghey: ny jean peccah ny smoo, er-aggle dy jig red smessey ort.

Noo Ean 8:11

Dooyrt ish, Cha vel dooinney erbee, Hiarn. As dooyrt Yeesey r’ee, Chamoo ta mish dy dty gheyrey: immee royd, as ny jean peccah arragh.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee-chraueeaght.

Galatianee 4:9

Agh nish erreish da enney ve eu er Jee, er-nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearree dy ve reesht ayns bondiaght?

Ephesianee 2:17

As haink eh, as ren eh preacheil shee diuish va foddey jeh, as dauesyn va er-gerrey.

2 Thessalonianee 3:16

Nish dy jean y Chiarn hene dy hee, shee ’choyrt diu dy kinjagh, er dy chooilley aght. Dy row yn Chiarn mêriu ooilley.

2 Timothy 2:19

Ny-yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee-chraueeaght.

Hebrewnee 12:25

Jeeagh-jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn, my hyndaa-ys mayd ersooyl voishyn ta loayrt veih niau:

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.

1 Samuel 25:25

Ny lhig da my hiarn, ta mee guee ort, cur geill da’n dooinney shoh dy Velial, dy jarroo Nabal: son myr ta’n ennym echey, myr shen t’eh-hene; Nabal yn ennym echey, as ta ommijys mârish: agh mish dty harvaant cha vaik mee dty gheiney aegey, my hiarn, hug oo er y chaghteraght.