Psalmyn 85:6 - Yn Vible Casherick 1775 1819

⁶ Nagh jean oo chyndaa reesht, as shinyn y vioghey: dy vod dty phobble boggey y ghoaill aynyd?

Lioar ny Psalmyn 1765 (Pointed)

⁶ Nagh jean oo chyndaa reesht, as shinyn y vioghey: dy vod dty phobble boggey y ghoaill ayn-yd?

Psalmyn 85:6 ပူးပေါင်းရင်းမြစ်များ

Psalmyn 138:7

Ga dy vel mee shooyl ayns mean seaghyn, ny-yeih nee oo m’y ooraghey: sheeynee oo magh dty laue er eulys my noidyn, as nee dty laue yesh mish y hauail.

Psalmyn 149:2

Lhig da Israel boggey ’ghoaill aynsyn ren eh y chroo: as lhig da cloan Sion ’ve gennal ayns nyn Ree.

Psalmyn 53:6

V’ad agglit raad nagh row oyr aggle: son ta Jee er vrishey ny craueyn echeysyn ren soiaghey ort; t’ou er choyrt ad gys nearey, son dy vel Jee er hoiaghey beg jeu.

Psalmyn 71:20

Shen-y-fa nee’m uss as dt’irriney y voylley, O Yee, cloie er greïe dy vingys: hood’s goym arrane er y chlaasagh, O uss er-casherick dy Israel.

Psalmyn 74:1

O Yee, cre’n-fa t’ou freayll oo hene voïn choud dy hraa: cre’n-fa ta dty yymmoose cha cheh noi kirree dty phastyr?

Psalmyn 77:8

Vel e vyghin dy slane er n’immeeaght son dy bragh: as vel e yialdyn er jeet dy bollagh gys jerrey brâ?

Psalmyn 80:18

As myr shen cha jed mayd back voïd’s: O lhig dooin ’ve bio, as nee mayd geamagh er dt’Ennym.

Psalmyn 90:14

O jean uss shin y yannoo magh lesh dty vyghin, as shen dy leah: myr shen nee mayd boggey ’ghoaill, as bee mayd gennal ooilley laghyn nyn mea.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Jeremiah 3:5

Jean eh e yymmoose y lhiettal son dy bragh? jean eh freayll eh gys y jerrey? Cur-my-ner, t’ou er loayrt as er n’yannoo olk gys rere dty phooar.

Jeremiah 33:11

Vees er ny chlashtyn yn coraa dy voggey, as yn coraa dy yennallys; coraa yn dooinney-poosee, as coraa ben y phoosee, yn coraa ocsyn nee gra, Moylley-jee Chiarn ny flaunyssee; son s’mie ta’n Chiarn; son ta e vyghin farraghtyn dy bragh; as yn coraa ocsyn ver lhieu yn oural dy voylley gys thie yn Chiarn. Son ver-yms chyndaa da cappeeys y cheer, myr ec y toshiaght, ta’n Chiarn dy ghra.

Hosea 6:2

Lurg daa laa ver eh orrin dy aa-vioghey, ’sy trass nee eh shin y hroggal seose reesht veih ny merriu, as bee mayd bio kiongoyrt rish.

Habakkuk 3:2

O Hiarn, ta mee er chlashtyn dty choraa, as va aggle orrym: O Hiarn, jean dty obbyr y aa-vioghey ayns mean ny bleeantyn, jean soilshaghey; ayns dty yymmoose smooinee er myghin.