Psalmyn 85:2 - Yn Vible Casherick 1775 1819

² T’ou er leih mee-chraueeaght dty phobble: as er choodaghey ooilley nyn beccaghyn.

Lioar ny Psalmyn 1765 (Pointed)

² T’ow er leih mee-chraueeaght dty phobble: as er goodaghey ooilley nyn beccaghyn.

Psalmyn 85:2 ပူးပေါင်းရင်းမြစ်များ

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Psalmyn 126:1

Tra hug y Chiarn chyndaa da cappeeys Sion: eisht va shin goll-rish sleih va dreamal.

Psalmyn 32:1

Bannit t’eshyn ta e neu-chairys er ny leih da: as e pheccah er ny choodaghey.

Psalmyn 78:38

Agh v’eh cha myghinagh shen dy leih eh daue nyn voiljyn: as cha ren eh ad y stroie.

Jeremiah 50:20

Ayns ny laghyn shen, as ec y traa cheddin, ta’n Chiarn dy ghra, nee ad briaght son loght Israel, agh cha bee veg ayn; as son peccaghyn Yudah, agh cha bee ad ry-gheddyn: son beem’s myghinagh dauesyn ta mee dy livrey.

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Earrooyn 14:19

Jean pardooney, ta mee geearree ort, mee-chairys yn pobble shoh, cordail rish mooads dty vyghin, as myr t’ou er n’ymmyrkey lesh y pobble shoh, veih Egypt, eer derrey nish.

Jannoo 13:39

As liorishyn ta ooilley ny ta credjal er ny heyrey veih dy chooilley nhee, voue nagh voddagh shiu v’er ny heyrey liorish leigh Voses.

Colossianee 2:13

As shiuish va marroo ayns nyn beccaghyn, as ayns yn an-ghiarey-chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn,