Psalmyn 85:12 - Yn Vible Casherick 1775 1819

¹² Dy jarroo, nee yn Chiarn kenjallys-ghraihagh y hoilshaghey: as ver y cheer ain magh e mess.

Lioar ny Psalmyn 1765 (Pointed)

¹² Dy-jarroo, nee yn Chiarn kenjallys-ghraihagh y hoilshaghey: as ver y cheer ain magh e mess.

Psalmyn 85:12 ပူးပေါင်းရင်းမြစ်များ

Psalmyn 67:6

Eisht nee’n thalloo cur magh e bishaghey: as nee Jee, dy jarroo yn Jee ain, e vannaght y choyrt dooin.

Psalmyn 72:16

Bee palchey arroo er y thalloo, ard er ny croink: nee’n mess echey craa myr Libanus, as bee eh glass ’syn ard-valley myr faiyr er y thalloo.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Isaiah 32:15

Derrey vees y Spyrryd er ny gheayrtey orrym veih’n yrjid, as dy bee yn aasagh magher messoil, as y magher messoil dy ve myr keyll.

Isaiah 45:8

Jean-jee shilley, shiuish niaughyn, veih’n yrjid, as lhig da’n aer ynrickys y gheayrtey neose: lhig da’n ooir fosley, as lhig daue saualtys y ymmyrkey magh, as lhig da ynrickys gaase seose cooidjagh. She mish y Chiarn t’er chroo eh.

Leviticus 25:19

As nee’n thalloo gymmyrkey magh e mess, as bee shiu jeant magh dy palchey, as baghey ayn dy sauchey.

Leviticus 26:4

Eisht ver-yms fliaghey diu ’syn imbagh cooie, as ver y thalloo magh e bishagh, as nee biljyn y vagher gymmyrkey nyn mess.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Zechariah 8:12

Son bee yn sheel correy messoil, nee yn billey gymmyrkey mess, as ver y thalloo magh brat palchey, as ver ny niaughyn nyn ghruight, as ver-yms da fooilliagh yn phobble shoh ooilley ny reddyn shoh ayns nyn gummal.

Noo Mian 13:23

Agh eshyn ghow yn rass ayns thalloo mie, shen eh ta clashtyn y goo as dy hoiggal eh, as t’eh tilgey mess, as gymmyrkey, paart keead-filley, paart three-feed, as paart jeih fillaghyn as feed.

Noo Mian 13:8

Agh huitt cooid elley jeh ayns thalloo mie, as dymmyrk eh mess, paart keead-filley, paart three-feed-filley, as paart jeih fillaghyn as feed.

Jannoo 2:41

Eisht v’adsyn ren dy arryltagh goaill-rish e ghoo er nyn mashtey: as y laa cheddin haink three thousaneyn dy leih stiagh gys y chredjue Creestee.

Jannoo 21:20

As tra cheayll ad shen, ren ad y Chiarn y ghloyraghey, as dooyrt ad rish, T’ou fakin, vraar, cre whilleen thousane jeh ny Hewnyn t’er ghoaill yn credjue orroo; as ta graih jeean oc ooilley son y leigh.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey-ys:

Ephesianee 1:3

Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:

Jamys 1:17

Ta dy chooilley ghioot mie, as dy chooilley ghioot firrinagh veih’n yrjey, as cheet neose veih Ayr y toilshey, mârish nagh vel caghlaa erbee, ny scadoo dy hyndaa.