Psalmyn 83:5 - Yn Vible Casherick 1775 1819

⁵ Son t’ad er chur nyn ghing cooidjagh lesh un aigney: as er n’yannoo conaant cooidjagh dt’oï’s;

Lioar ny Psalmyn 1765 (Pointed)

⁵ Son t’ad er chur nyn ghing cooidjagh lesh un aigney: as er n’yannoo conaant cooidjagh dt’oï’s;

Psalmyn 83:5 ပူးပေါင်းရင်းမြစ်များ

2 Recortyssyn 20:11

Jeeagh, Ta mee gra, kys t’ad dy chooilleeney shin, dy heet dy hilgey magh shin ass dty chummal, t’ou er choyrt dooin son eiraght.

Esther 3:6

As cha beeagh lesh e laueyn y choyrt er Mordecai ny-lomarcan, son v’ad er n’insh da mychione pobble Vordecai: hir Haman, er-y-fa shen, caa dy stroie ooilley ny Hewnyn va trooid magh slane reeriaght Ahasuerus, eer pobble Vordecai.

Psalmyn 124:3

Veagh ny ushtaghyn, dy feer, er vaih shin: as veagh y thooilley er n’gholl harrish nyn annym.

Psalmyn 2:2

Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n fer-ooilit echey.

Psalmyn 74:8

T’ad er hoiaghey dt’ynnydyn casherick er aile: as er lhieggal sheese ynnyd-vaghee dt’Ennym, eer gys y laare.

Raaghyn Creeney 21:30

Cha vel creenaght, ny tushtey, ny coyrle, noi yn Chiarn.

Isaiah 7:2

As ve er ny insh da thie Ghavid, gra, Ta Syria ayns coardail rish Ephraim: as va’n cree echey er ny ghleashagh, as cree e phobble, myr ta biljyn y cheyll er nyn leaystey lesh y gheay.

Jeremiah 33:24

Vel oo goaill tastey cre ta’n pobble shoh er loayrt, gra, Yn daa heeloghe ta’n Chiarn er reih, t’eh eer er n’yiooldey roo? Shoh myr t’ad er hoiaghey beg jeh my phobble, nagh beagh ad ny smoo ny ashoon kiongoyrt roo.

Ezekiel 25:15

Myr shoh ta’n Chiarn Jee, dy ghra, Er-yn-oyr dy vel ny Philistinee er ghellal dy elgyssagh, as er ghoaill cooilleeney lesh cree myskidagh, dy stroie Judah, ayns nyn shenn noidys;

Micah 4:11

Nish myrgeddin ta ymmodee ashoonee chaglit dt’oï, ta gra, Lhig dooin jeeill y yannoo aynjee, as lhig da’n sooill ain jeeaghyn er Zion.

Joshua 7:9

Son nee ny Canaaniteyn, as ooilley cummaltee ny cheerey, clashtyn jeh, as nee ad shin y chruinnaghey mygeayrt, as giarey jeh yn ennym ain veih’n thalloo: as cre nee uss er son gloyr dty ennym mooar hene?

Ashlish 17:13

T’ad shoh jeh’n un aigney, as livreyee ad nyn booar as nyn niart da’n veisht.

Ashlish 19:19

As honnick mee yn veisht as reeaghyn y theihll, er nyn jaglym cooidjagh dy chaggey n’oï-syn va markiagh er y chabbyl, as noi e heshaght-chaggee.