Psalmyn 83:3 - Yn Vible Casherick 1775 1819

³ T’ad er ghoaill smooinaghtyn croutagh noi dty phobble: as er chur nyn goyrle dy cheilley noi dty chloan chasherick.

Lioar ny Psalmyn 1765 (Pointed)

³ T’ad er ghoaill smooinaghtyn croutagh noi dty phobble: as er chur nyn goyrle dy-cheïley noi dty chloan chasherick.

Psalmyn 83:3 ပူးပေါင်းရင်းမြစ်များ

Psalmyn 10:9

Son t’eh lhie farkiaght dy follit, dy jarroo myr lion t’eh ny lhie keillit ayns e ooig: dy vod eh spooilley yn boght.

Psalmyn 2:1

Cre’n-fa ta ny ashoonyn cha eulyssagh girree-magh lesh y cheilley: as cre hon ta’n sleih goaill red ommijagh ayns nyn gione.

Psalmyn 27:5

Son ayns traa my heaghyn follee eh mee ayns e chabbane: dy jarroo ayns boayl keillit e ynnyd-vaghee nee eh m’y ollaghey, as m’y hoiaghey seose er creg chloaie.

Psalmyn 31:20

Lhig da ny meillyn breagagh ve er nyn goyrt nyn dhost: ta dy dewil, dy mooaralagh, as dy olkyssagh loayrt noi’n vooinjer chairagh.

Psalmyn 56:6

T’ad ooilley lhiantyn ry-cheilley, as freayll ad-hene dy follit: as cur tastey da my chesmadyn, tra t’ad lhie farkiaght son m’annym.

Psalmyn 64:2

Follee mee veih chaglym-cooidjagh ny mee-viallee: as veih irree-magh ny drogh-yantee;

Psalmyn 91:1

Quoi-erbee ta cummal fo coadey yn Fer smoo ard: nee eh tannaghtyn fo scaa yn Ooilley-niartal.

Exodus 1:10

Tar-jee; lhig dooin dellal roo dy tastagh: er-aggle dy jean ad bishaghey, as dy jig eh gy-kione, tra nee caggey brishey magh, dy shassee ad lesh nyn noidyn, as dy jean ad caggey nyn ’oï, as myr shen dy jean ad cosney roue ass y cheer.

Colossianee 3:3

Son ta shiu marroo, as ta’n vea eu follit marish Creest ayns Jee.

1 Samuel 13:19

Nish cha row gaaue ry-gheddyn trooid ooilley cheer Israel; (son dooyrt ny Philistinee, Er-aggle dy jean ny Hebrewnee daue hene cliwenyn as shleiyghyn;)