Psalmyn 82:8 - Yn Vible Casherick 1775 1819

⁸ Trog ort, O Yee, as jean uss y seihll y vriwnys: son nee uss ooilley ny ashoonyn-quaagh y ghoaill son dt’eiraght.

Lioar ny Psalmyn 1765 (Pointed)

⁸ Trogg ort, O Yee, as jean uss y seihll y vriwnys: son nee uss ooilley ny ashoonyn-quaagh y ghoaill son dt’eiraght.

Psalmyn 82:8 ပူးပေါင်းရင်းမြစ်များ

Psalmyn 102:13

Nee oo girree as bee chymmey ayd er Sion: son te traa dy beagh myghin ayd urree, dy jarroo, ta’n traa er jeet.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 2:8

Shir orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

Psalmyn 22:28

Son lesh y Chiarn yn reeriaght: as she eshyn yn Kiannoort mastey yn pobble.

Psalmyn 44:26

Irree as cooin lhien: as livrey shin er graih dty vyghinyn.

Psalmyn 7:6

Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Psalmyn 76:10

Nee elgys dooinney chyndaa gys dty voylley: as yn elgys ocsyn nee uss eh y smaghtaghey.

Psalmyn 94:2

Trog ort, uss Vriw y theihll: as jean ny mooaralee y chooilleeney lurg nyn doilchin.

Psalmyn 96:13

Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?

Micah 7:2

Ta’n dooinney crauee er jerraghtyn veih yn thalloo; as cha vel fer ynrick mastey deiney: t’ad ooilley lhie cooyl-chlea son fuill: t’ad shelg dy chooilley ghooinney e vraar lesh ribbey.

Micah 7:7

Shen-y-fa, jeeagh-yms gys y Chiarn; nee’m farkiaght son Jee my haualtys: nee my Yee mish y chlashtyn.

Zephaniah 3:8

Shen-y-fa, fark-jee orrym’s, ta’n Chiarn dy ghra, derrey’n laa irree-ym seose gys y chragh: son ta mee kiarit dy haglym ny ashoonyn, dy hayrn cooidjagh ny reeriaghtyn, dy gheayrtey magh orroo my yymmoose, eer slane dewilys my chorree: son bee ooilley yn ooir er ny lostey seose lesh aile my eadolys.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.