Psalmyn 82:2 - Yn Vible Casherick 1775 1819

² Caïd ver shiu briwnys aggairagh: as soiaghey jeh persoonyn ny mee-chrauee?

Lioar ny Psalmyn 1765 (Pointed)

² Caid ver shiu briwnys aggairagh: as soiaghey jeh persoonyn ny mee-chrauee?

Psalmyn 82:2 ပူးပေါင်းရင်းမြစ်များ

1 Reeaghyn 18:21

As haink Elijah gys ooilley’n pobble, as dooyrt eh, Caïd ta shiu leaystey eddyr daa chredjue? my she’n Chiarn y Jee, eiyr-jee er: agh my she Baal, eisht eiyr-jee ersyn. As cha dug y pobble fockle dy ansoor da.

2 Recortyssyn 19:7

Shen-y-fa nish, lhig da aggle y Chiarn ve erriu, bee-jee er nyn dwoaie, as jean-jee nyn gurrym: son cha vel mee-chairys erbee marish y Chiarn nyn Yee, chamoo t’eh soiaghey jeh persoonyn, ny goaill giootyn.

Lioar Yob 32:21

Ny lhig dou, ta mee guee erriu, soiaghey jeh persoon dooinney erbee; chamoo lhig dou goan brynneragh y choyrt da dooinney erbee.

Lioar Yob 34:19

Cre-woad sloo rishyn nagh vel soiaghey jeh persoonyn princeyn, ny cur geill da’n verchagh veg smoo na da’n voght? son t’ad ooilley obbyr e laueyn.

Psalmyn 62:3

Caïd smooinys shiu er olk noi dy chooilley ghooinney: hed shiu er stroie ooilley yn sorch eu; dy jarroo, myr voalley ta aarloo dy huittym vees shiu, as myr cleiy brisht.

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Raaghyn Creeney 18:5

Dy yannoo soiaghey jeh persoon ny mee-chrauee, cha vel shen mie, ny dy chastey yn dooinney cairal ayns briwnys.

Ezekiel 45:9

Myr shoh ta’n Chiarn Jee dy ghra, S’lioar shoh diuish, O phrinceyn Israel: cur-jee veue tranlaase as spooilley, as jean-jee briwnys as cairys, trog-jee nyn laue-lajerys veih my phobble, ta’n Chiarn Jee dy ghra.

Leviticus 19:15

Cha jean shiu veg y neu-chairys ayns briwnys; cha jean oo soiaghey jeh persoon y voght, ny cur geill da persoon y verchagh: agh ayns cairys nee uss briwnys dty naboo.

Noo Mian 17:17

Dansoor Yeesey as dooyrt eh, O heeloghe vee-chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Galatianee 2:6

Agh er nyn son ocsyn va lowit dy ve red ennagh (cre-erbee v’ad, cha vel eh veg dooys: cha vel Jee soiaghey jeh persoon dooinney erbee) dy jarroo er nyn son ocsyn va goit, dy ve myr shoh, tra va shin noi-ry-hoi, cha dynsee mee veg sodjey voue.

Deuteronomy 1:17

Cha jean shiu soiaghey jeh persoonyn ayns briwnys, agh ver shiu clashtyn da’n voght chammah’s da’n verchagh; cha bee shiu ayns aggle roish eddin dooinney, son lesh Jee ta’n briwnys: as y chooish ta ro ghoillee diu, cur-jee roym’s eh, as neem’s clashtyn eh.