Psalmyn 81:5 - Yn Vible Casherick 1775 1819

⁵ Shoh doardee eh ayns Joseph son recortys: tra haink eh magh ass cheer Egypt, as er chlashtyn glare yoarree.

Lioar ny Psalmyn 1765 (Pointed)

⁵ Shoh doardee eh ayns Joseph son recortys: tra haink eh magh ass cheer Egypt, as er chlashtyn glaare yoarree.

Psalmyn 81:5 ပူးပေါင်းရင်းမြစ်များ

Psalmyn 114:1

Tra haink Israel magh ass Egypt: as thie Yacob veih mastey’n pobble joarree,

Psalmyn 77:15

T’ou dy niartal er livrey dty phobble: dy jarroo mec Yacob as Yoseph.

Psalmyn 78:6

Dy voddagh y sluight oc toiggal ’ghoaill jeh: as y chloan nagh row foast er nyn ruggey;

Exodus 11:4

As dooyrt Moses, Shoh myr ta’n Chiarn gra, Mysh y vean-oie hem’s magh trooid Egypt.

Exodus 12:12

Son hem’s trooid cheer Egypt yn oie noght; as nee’m bwoalley ooilley’n chied er ny ruggey ayns cheer Egypt, chammah dooinney as baagh: as noi ooilley jeeghyn Egypt neem’s briwnys y chooilleeney: mish y Chiarn.

Exodus 12:27

Dy jir shiu, Shoh oural-caisht y Chiarn hie shaghey thieyn cloan Israel ayns Egypt, tra woaill eh ny Egyptianee, as ren eh ny thieyn ainyn y livrey. As chroym yn pobble nyn ghing, as ren ad ooashlaghey.

Exodus 12:29

As haink eh gy-kione, ec y vean-oie, dy ren y Chiarn bwoalley lesh baase ooilley’n chied-ruggit ayns cheer Egypt, veih’n chied-ruggit jeh Pharaoh, va soie er e stoyl-reeoil, gys y chied-ruggit jeh’n chappee va ’sy phryssoon; as ooilley’n chied er ny vrey jeh’n ollagh.

Isaiah 28:11

Son lesh meillyn joarree, as glare quaagh nee eh loayrt rish y pobble shoh.

Jeremiah 5:15

Cur-my-ner, ver-yms lhiam erriu ashoon veih foddey, O hie Israel, ta’n Chiarn dy ghra: te ny ashoon niartal, te ny henn ashoon, ashoon nagh nhione dhyt y ghlare oc, chamoo t’ou, toiggal cre t’ad dy ghra.

Ezekiel 20:20

As freill-jee casherick my ghooneeyn, as bee ad son cowrey eddyr mysh as shiuish, dy vod fys y ve eu, dy nee mish y Chiarn nyn Yee.

Amos 6:6

Ta giu feeyn ayns siyn costal, as dy ooilaghey ad-hene lesh ooilyn costal: agh cha vel ennaghtyn oc son seaghyn Yoseph.

Deuteronomy 28:49

Ver y Chiarn lesh ashoon dt’oï veih foddey, veih ardjyn sodjey magh y theihll, cha bieau as ta’n urley getlagh, ashoon, nagh doig oo yn ghlare oc:

Deuteronomy 4:45

Shoh ny recortyssyn, as ny slattyssyn, as ny briwnyssyn, loayr Moses rish cloan Israel, lurg daue v’er jeet magh ass Egypt: