Psalmyn 81:14 - Yn Vible Casherick 1775 1819

¹⁴ O dy beagh my phobble er n’eaishtagh rhym’s: son dy beagh Israel er n’immeeaght ayns my raaidyn.

Lioar ny Psalmyn 1765 (Pointed)

¹⁴ O dy beagh my phobble er n’eaishtagh rhyms: son dy beagh Israel er n’immeeaght ayns my raaidyn.

Psalmyn 81:14 ပူးပေါင်းရင်းမြစ်များ

Psalmyn 47:3

Ver eh sheese y pobble foïn: as ny ashoonyn fo nyn gassyn.

Isaiah 48:18

O dy beagh oo er n’eaishtagh rish my annaghyn! eisht veagh dty hee er ve myr awin, as dty ynrickys myr tonnyn ny marrey;

Amos 1:8

As giare-yms jeh yn cummaltagh veih Ashdod, as eshyn ta gymmyrkey yn lorg-reill veih Ashkelon, as chyndaa-ym my laue noi Ekron; as nee sluight ny Philistinee cherraghtyn, ta’n Chiarn Jee dy ghra.

Zechariah 13:7

Dooisht, O chliwe, noi my vochilley, as noi yn dooinney ta my heshey, ta Chiarn ny flaunyssee dy ghra: bwoaill yn bochilley, as bee ny kirree er ny skeayley: as chyndaa-ym my laue er y vyn-vooinjer.

Earrooyn 14:45

Eisht haink neose ny Amalekiteyn, as ny Canaaniteyn, cummaltee yn clieau shen, as ren ad y woalley ad, as ad nyn imman gys Hormah.

Earrooyn 14:9

Agh, ny irree-jee magh noi’n Chiarn, chamoo gow-jee aggle roish pobble y cheer; son cha bee ad agh myr greme d’arran dooin; ta’n kemmyrk oc er n’immeeaght voue, as ta’n Chiarn mârin: ny gow-jee aggle roue.

Deuteronomy 10:12

As nish Israel, cre ta’n Chiarn dty Yee dy hirrey jeed, agh dy ghoaill aggle roish y Chiarn dty Yee, dy immeeaght ayns ooilley e raaidyn, as dy choyrt graih da, as dy hirveish y Chiarn dty Yee lesh ooilley dty chree, as lesh ooilley dty annym.

Joshua 23:13

Toig-jee son firrinys nagh jean y Chiarn y Jee eu arragh gimman magh reue veg jeh ny ashoonyn shoh; agh bee ad myr ribbaghyn as geulaghyn diu, as son drineyn, ayns nyn lhiatteeyn, as jilg ayns nyn sooillyn, derrey hed shiu naardey ass y cheer mie shoh, ta’n Chiarn nyn Yee er choyrt diu.