Psalmyn 81:12 - Yn Vible Casherick 1775 1819

¹² Agh cha baillish my phobble geaishtagh rish my choraa: as cha baillish Israel biallys y choyrt dou.

Lioar ny Psalmyn 1765 (Pointed)

¹² Agh cha ballish my phobble geaishtagh rish my choraa: as cha ballish Israel biallys y choyrt dou.

Psalmyn 81:12 ပူးပေါင်းရင်းမြစ်များ

Genesis 6:3

As dooyrt y Chiarn, Cha jean my spyrryd dy kinjagh streeu rish dooinney, fakin nagh vel eh hene myrgeddin agh foalley: foast bee e eash shey-feed bleïn.

2 Reeaghyn 18:12

Er-yn-oyr nagh dug ad biallys da coraa yn Chiarn y Jee oc, agh vrish ad e chonaant, as ooilley ny va Moses sharvaant y Chiarn er harey, cha n’eaishtagh ad roo, ny jannoo ad.

Nehemiah 9:16

Agh ren adsyn as nyn ayraghyn dellal dy roonagh, as chreoi ad nyn mwannal, as cha deaisht ad rish dty annaghyn.

Lioar Yob 8:4

My ta dty chloan er n’yannoo peccah n’oï-syn, as my t’eh er yiarey ad jeh son nyn ghrogh-yannoo;

Exodus 11:9

As dooyrt y Chiarn rish Moses, Cha jean Pharaoh clashtyn rhyt, dy vod ny yindyssyn aym’s v’er nyn gronnaghey ayns cheer Egypt.

Isaiah 30:1

Smerg da’n chloan vee-viallagh, ta’n Chiarn dy ghra, ta goaill coyrle, agh cha nee jeem’s; as ta goaill fastee fo coodagh, agh cha nee fo coodagh yn Spyrryd aym’s, dy vod ad peccah y choyrt gys peccah:

Isaiah 30:9

Dy nee pobble mee-viallagh shoh, cloan vreagagh, cloan nagh jean clashtyn leigh yn Chiarn;

Isaiah 42:24

Quoi hug Jacob son spooilley, as Israel da ny roosteyryn? nagh nee yn Chiarn, eshyn, n’oï va shiu er n’yannoo peccah? son cha shooylagh ad ayns ny raaidyn echey, chamoo v’ad biallagh da e leigh.

Jeremiah 42:21

As nish ta mee er n’insh diu, cha vel shiu er choyrt geill da coraa yn Chiarn nyn Yee ayns nhee erbee, rere bree my haghteraght.

Jeremiah 7:24

Agh cha ren ad geaishtagh, ny croymmey nyn gleaysh, agh jimmee ad lurg coyrle as smooinaghtyn yn chree roonagh oc hene, as hie ad back, as cha nee er nyn doshiaght.

Ezekiel 20:8

Agh dirree adsyn magh m’oï, as cha jinnagh ad clashtyn rhym: cha ren ad dy chooilley ghooinney tilgey voue peccaghyn dwoaiagh e hooillyn, chamoo hreig ad jallooyn Egypt: eisht dooyrt mee, Deayrt-yms magh my eulys orroo, dy chooilleeney my yymmoose nyn ’oï ayns mean cheer Egypt.

Hosea 9:17

Nee my Yee’s ad y yiooldey veih, er-yn-oyr nagh ren ad geaishtagh rish: as bee ad wagaantee mastey ny ashoonee.

Leviticus 26:14

Agh mannagh jean shiu m’y chlashtyn, as nagh gooilleen shiu ooilley ny oardaghyn shoh;

Jannoo 14:16

As ayns ny earishyn t’er n’gholl shaghey, lhig da ooilley ny Ashoonee shooyl ayns nyn raaidyn hene.

Jannoo 7:42

Eisht hyndaa Jee, as livrey eh ad seose dy chur ooashley da pooaraghyn yn aer; myr te scruit ayns lioar ny phadeyryn, O hie Israel, vel shiu er hebbal dooys beïyn marroo as ourallyn, rish da-eed bleïn ayns yn aasagh?

Romanee 1:24

Shen-y-fa ren Jee myrgeddin ad y livrey seose gys neu-ghlennid, trooid sayntyn nyn greeaghyn hene, dy vee-ooashlaghey nyn girp ry-cheilley:

1 Samuel 8:19

Ny-yeih, dob y pobble dy choyrt biallys da coyrle Samuel; as dooyrt ad, Cha jean eh mie; agh ree vees ain harrin;