Psalmyn 80:1 - Yn Vible Casherick 1775 1819

¹ Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Lioar ny Psalmyn 1765 (Pointed)

¹ Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubimyn.

Psalmyn 80:1 ပူးပေါင်းရင်းမြစ်များ

2 Samuel 6:2

As hrog David er, as hie eh lesh ooilley’n pobble va mârish veih Baale ayns Judah, dy choyrt lhieu seose veih shen arg Yee, kiongoyrt rish t’ad geamagh er ennym y Chiarn dy heshaght-flaunyss, ta cummal eddyr ny Cherubim.

2 Reeaghyn 19:15

As ghow Hezekiah padjer kiongoyrt rish y Chiarn, as dooyrt eh, O Hiarn Yee Israel, ta cummal eddyr ny cherubim, she uss yn Jee, eer uss dty-lomarcan, jeh ooilley reeriaghtyn ny hooirey; uss chroo niau as thalloo.

Lioar Yob 10:3

Vel eh vondeish dhyt’s dy my laadey lesh seaghyn, dy hoiaghey beg jeh obbyr dty laueyn hene, as soilshean er coyrle ny mee-chrauee?

Psalmyn 45:1

Ta my chree smooinaghtyn dy dowin er cooish vie: ta mee goaill lesh bingys ny arraneyn ta mee er n’yannoo mychione y ree.

Psalmyn 5:1

Cur geill da my ghoan, O Hiarn: gow tastey jeh smooinaghtyn dowin my chree.

Psalmyn 50:1

Ta’n Chiarn, dy jarroo yn Jee smoo niartal, er loayrt: as er choyrt eam da’n seihll veih irree seose ny greïney gys y gholl sheese echey.

Psalmyn 50:2

Magh ass Sion ta Jee er hoilshaghey eh-hene: ayns aalid firrinagh.

Psalmyn 55:1

Clasht rish my phadjer, O Yee: as ny follee oo hene veih my accan.

Psalmyn 60:1

O Yee t’ou er hilgey shin magh, as er skeayley shin dy lhean: t’ou myrgeddin er ve jymmoosagh rooin; O chyndaa hooinyn reesht.

Psalmyn 69:1

Saue mee, O Yee: son ta ny ushtaghyn er jeet stiagh, dy jarroo gys m’annym.

Psalmyn 77:20

Ren oo dty phobble y leeideil myr kirree: liorish laueyn Voses as Aaron.

Psalmyn 78:52

As woaill eh ooilley yn chied v’er nyn ruggey ayns Egypt: yn vooinjer b’yrjey as by-niartal ayns cummallyn Ham.

Psalmyn 78:67

Woaill eh ny noidyn echey ayns ny ayrnyn cheu-chooylloo: as hug eh ad gys nearey kinjagh.

Psalmyn 80:19

Chyndaa shin reesht, O Hiarn Yee jeh’n cheshaght-chaggee flaunyssagh: jeeagh soilshey dt’eddin, as bee mayd er nyn sauail.

Psalmyn 80:3

Chyndaa shinyn reesht, O Yee: jeeagh soilshey dt’eddin, as bee mayd slane.

Psalmyn 80:7

Chyndaa shinyn reesht, uss Yee dy heshaght-chaggee flaunys: jeeagh soilshey dt’eddin, as bee mayd slane.

Psalmyn 94:1

O Hiarn Yee, dhyt’s ta bentyn dy ghoaill kerraghey: uss Yee, dhyt’s ta kerraghey bentyn, jean oo hene y hoilshaghey.

Psalmyn 99:1

She yn Chiarn y Ree, lhig da’n pobble girree-magh myr sailliu: t’eh ny hoie eddyr ny cherubim ga dy vel y seihll cha anveagh.

Isaiah 40:11

Nee eh fassaghey e hioltane myr bochilley; nee eh chaglym ny eayin lesh e roih, as ver eh lesh ad ayns e oghrish, as dy meeley adsyn ta trome y leeideil.

Isaiah 60:1

Trog ort, jean soilshean; son ta dty hoilshey er jeet, as ta gloyr y Chiarn er n’irree ort.

Isaiah 63:11

Eisht chooinee eh er laghyn y chenn earish, er Moses as e phobble, gra, Cre vel eshyn hug lesh ad seose ass yn aarkey liorish bochilley e hioltane? cre vel eshyn hug e Spyrryd casherick er cheu-sthie jeh?

Ezekiel 1:13

Er son co-chaslys ny cretooryn bio, va’n cummey oc myr smarageyn loshtee dy aile, as casley rish lampyn: hie eh seose as neose mastey ny cretooryn bio, as va’n aile sollys, as magh veih’n aile haink tendreil.

Ezekiel 10:4

Eisht hie gloyr y Chiarn seose veih yn cherub, as hass eh harrish dorrys y thie, as va’n thie er ny lhieeney lesh y vodjal, as va’n cooyrt lane dy hollyssid gloyr y Chiarn.

Ezekiel 34:23

As nee’m soiaghey un vochilley harrystoo, as nee eshyn adsyn y vassaghey, shen hene my harvaant David; nee eshyn ad y vassaghey, as bee eshyn yn bochilley ocsyn.

Ezekiel 43:2

As cur-my-ner, haink gloyr Yee Israel veih ard yn niar, as va e choraa goll-rish sheean ymmodee ushtaghyn, as ren y thalloo soilshean lesh y ghloyr echey.

Daniel 9:17

Nish er-y-fa shen, O uss yn Jee ain, eaisht rish padjer dty harvaant, as e aghinyn, as er dty ghraih’s, O Hiarn, lhig da dty eddin soilshean er dty hiamble casherick, ta lhie ny hraartys.

Noo Ean 10:14

Mish y bochilley mie, as ta enney aym er my chirree, as ta enney ocsyn orrym’s.

Deuteronomy 33:2

As dooyrt eh, Haink y Chiarn [mârin] veih Sinai, as veih Seir v’eh nyn leeideilagh: ren eh soilshean magh veih cronk Paran, as haink eh lesh jeih thousaneyn jeh e nooghyn: veih e laue yesh hie magh e leigh, ayns aile as taarnagh.

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard-vochilley ny geyrragh, trooid fuill y chonaant dy bragh farraghtyn,

1 Peddyr 2:25

Son va shiu myr kirree goll er-shaghryn; agh ta shiu nish er jyndaa reesht gys Bochilley as Aspick nyn anmeenyn.

1 Peddyr 5:4

As tra hig yn Ard-vochilley kionfenish, yiow shiu attey dy ghloyr nagh jean fioghey ersooyl.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.

1 Samuel 4:4

Er shoh hug yn pobble fys gys Shiloh, dy choyrt lhieu veih shen arg conaant y Chiarn dy heshaght-flaunyss, ta cummal eddyr ny cherubim: as va daa vac Eli, Hophni as Phinehas, ayns shen marish arg conaant Yee.