Psalmyn 8:6 - Yn Vible Casherick 1775 1819

⁶ T’ou coyrt dasyn yn reill harrish obbraghyn dty laueyn: as er choyrt dy chooilley nhee ayns biallys fo e chassyn;

Psalmyn Ghavid 1761 (Metrical)

⁶ Coamrit lesh pooar, myr Chiarn y seihll, Er dt’obbraghyn dy reill.

Lioar ny Psalmyn 1765 (Pointed)

⁶ T’ow coyrt dasyn yn reill harrish obbraghyn dty laueyn: as er choyrt dy-chooilley nhee ayns biallys fo e chassyn;

Psalmyn 8:6 ပူးပေါင်းရင်းမြစ်များ

Genesis 1:26

As dooyrt Jee, Lhig dooin dooinney y chroo ayns y jalloo as y chaslys ain hene: as lhig da reill ve oc harrish eeastyn ny marrey, as harrish eeanlee yn aer, as harrish y maase, as harrish ooilley yn thalloo, as harrish dy chooilley nhee snauee t’er y thalloo.

Genesis 1:28

As vannee Jee ad, as dooyrt Jee roo, Bee-jee messoil, as jean-jee bishaghey, as jean-jee yn seihll magh lesh cummaltee, as reill-jee harrish: as ta pooar eu harrish eeastyn ny marrey, as harrish eeanlee yn aer, as harrish dy chooilley nhee bio ta gleashagh er y thalloo.

Genesis 9:2

As bee yn aggle as yn arrym reueish er ooilley beiyn y thallooin, as er ooilley eeanlee yn aer, er ooilley ny ta gleashagh er y thalloo, as ooilley eeastyn ny marrey: fo yn laue euish t’ad er nyn goyrt.

Psalmyn 110:1

Dooyrt y Chiarn rish my Hiarn’s: Soie uss er my laue yesh, derrey nee’m dty noidyn y yannoo stoyl dty choshey.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Ephesianee 1:22

As ta er choyrt dy chooilley nhee fo e chassyn, as hug eh eh dy ve kione harrish dy chooilley nhee da’n agglish,

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phointeil ny eirey er dy chooilley nhee, liorish myrgeddin chroo eh ny seihllyn.

Hebrewnee 2:8

T’ou er injillaghey dy chooilley nhee fo e chassyn. Son liorish dy vel eh er choyrt dy chooilley nhee fo e viallys, cha daag eh monney nagh vel eh er ny choyrt fo. Agh cha vel shin foast fakin dy vel dy chooilley nhee er ny choyrt fo.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.