Psalmyn 8:5 - Yn Vible Casherick 1775 1819

⁵ Ren oo eh ny s’inshley na ny ainleyn: dy choamrey eh lesh gloyr as ooashley.

Psalmyn Ghavid 1761 (Metrical)

⁵ Eh, sniessey da dty ainleyn noo Ayns gloyr, ren oo pointeil;

Lioar ny Psalmyn 1765 (Pointed)

⁵ Ren oo eh ny s’inshley na ny ainlyn: dy chomm'rey eh lesh gloyr as ooashley.

Psalmyn 8:5 ပူးပေါင်းရင်းမြစ်များ

Genesis 2:7

As ren y Chiarn Jee dooinney y chroo ass joan ny hooirey, as heid eh ayns ny stroanyn echey ennal y vea; as haink dooinney dy ve ny annym bio.

2 Samuel 14:29

Shen-y-fa hug Absalom fys er Joab, dy choyrt eh er chaghteraght gys y ree; agh cha darragh eh huggey: as tra hug eh fys reesht y nah cheayrt, dob eh cheet.

Lioar Yob 7:17

Cre ta dooinney dy by-feeu lhiat streeu rish, as dy hoiaghey dty chree n’oï?

Psalmyn 103:20

O bannee-jee yn Chiarn, shiuish e ainleyn, shiuish ta pooaral ayns niart: shiuish ta cooilleeney e harey, as ta geaishtagh rish coraa e ghoan.

Psalmyn 103:4

Ta sauail dty vioys veih toyrt-mow: as dy dty choamrey lesh myghin as kenjallys-ghraihagh;

Psalmyn 144:3

Hiarn, cre ta dooinney, dy vel oo coyrt lheid y gheill da: ny mac dooinney, dy vel oo jannoo wheesh jeh?

Psalmyn 45:6

Ta dty hideyn feer virragh, as bee’n pobble er nyn injillaghey hood’s: hed dty hideyn trooid cree noidyn y ree.

Ephesianee 1:21

Foddey erskyn dy chooilley ard-ooashley, as pooar, as niart, as reill, as dy chooilley ennym ta enmyssit, cha nee ynrycan ’sy theihll shoh, agh myrgeddin ayns shen ta ry-heet:

Hebrewnee 2:16

Son dy firrinagh cha ghow eh er dooghys ainleyn; agh ghow eh er dooghys Abraham.

Hebrewnee 2:7

Ren oo eh red beg s’inshley na ny ainleyn; t’ou er choamrey eh lesh gloyr as ooashley, as hug oo reill da harrish obbraghyn dty laueyn:

Hebrewnee 2:9

Agh ta shin fakin Yeesey, va jeant son tammylt ny s’inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.