Psalmyn 8:2 - Yn Vible Casherick 1775 1819

² Magh ass eer beïll oikanyn as cloan er y cheeagh t’ou er n’oardaghey niart, kyndagh rish dty noidyn: dy voddagh oo yn noid, as yn eulyssagh y chastey.

Lioar ny Psalmyn 1765 (Pointed)

² Magh ass eer beïll oikanyn as cloan er y cheeagh t’ow er n’oardaghey niart, kyndagh rish dty noidyn: dy voddagh oo yn noid, as yn eulyssagh y chastey.

Psalmyn 8:2 ပူးပေါင်းရင်းမြစ်များ

Psalmyn 148:13

Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

Psalmyn 4:4

Shass-jee ayns aggle, as ny jean-jee peccah: smooinee-jee dy dowin ayns nyn gree hene, as ayns nyn shamyr, as bee-jee ec shee.

Psalmyn 44:16

Ta my stayd hreih gagh laa kiongoyrt rhym: as ta nearey m’eddin er my choodaghey.

Psalmyn 46:10

Bee-jee feagh eisht, as toig-jee dy vel mish Jee: beem’s er my hoiaghey seose mastey ny ashoonyn, as bee’m er my hoiaghey seose er y thalloo.

Psalmyn 57:6

Soie oo hene seose, O Yee, erskyn ny niaughyn: as dty ghloyr erskyn ooilley’n seihll.

Exodus 11:7

Agh noi veg jeh cloan Israel, cha jean moddey hene gleashagh e hengey, noi dooinney ny baagh: dy vod fys ’ve eu cre’n lhietrymys ta’n Chiarn dy yannoo, eddyr ny Egyptianee as Israel.

Exodus 15:16

Nee aggle as atchim tuittym orroo, liorish niart dty roih cha gleashee ad ny smoo na clagh, derrey hed dty phobble trooid [nyn droailt] O Hiarn, derrey hed y pobble ny hrooid, yn pobble t’ou er chosney [veih Egypt.]

Isaiah 40:31

Agh yiow adsyn ta farkiaght er y Chiarn niart ass-y-noa; etlee ad seose myr er skianyn urley; nee ad roie as cha bee ad skee, nee ad shooyl, as cha jed ad neeal.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Amos 5:9

Ta niartaghey yn tranlaasit noi yn tranlaasagh: myr shen dy jig yn tranlaasit noi yn chashtal.

Habakkuk 2:20

Agh ta’n Chiarn ayns e hiamble casherick: lhig da ooilley yn seihll ve ny host kiongoyrt rish.

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er-yn-oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mian 21:16

As dooyrt ad rish, Vel oo clashtyn cre t’ad shoh dy ghra? Dooyrt Yeesey roo, Ta mee; nagh lhaih shiuish rieau, Magh ass beïll oikanyn as cloan er y cheeagh t’ou er gheddyn moylley firrinagh?

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

1 Corinthianee 1:27

Agh ta Jee er reih reddyn ommijagh y theihll, dy choyrt fo-chosh ny reddyn creeney; as ta Jee er reih reddyn faase y theihll, dy naaraghey ny reddyn niartal;

1 Samuel 2:9

Nee eh coadey cassyn e nooghyn, as bee ny mee-chrauee nyn dhost ayns dorraghys; son liorish niart cha vow dooinney erbee yn varriaght.