Psalmyn 79:9 - Yn Vible Casherick 1775 1819

⁹ Cooin lhien, O Yee jeh nyn saualtys, son gloyr dt’Ennym: O livrey shin, as bee myghinagh da nyn beccaghyn son graih dty Ennym.

Lioar ny Psalmyn 1765 (Pointed)

⁹ Cooin lhien, O Yee jeh nyn saualtys, son gloyr dt’Ennym: O livrey shin, as bee myghinagh da nyn beccaghyn son graih dt’Ennym.

Psalmyn 79:9 ပူးပေါင်းရင်းမြစ်များ

2 Recortyssyn 14:11

As deïe Asa gys y Chiarn e Yee, as dooyrt eh, Hiarn, te yn un chooid dhyt’s dy hauail, edyr y ve lesh mooarane, ny lesh beggan: cooin lhien, O Hiarn nyn Yee; son ort’s ta nyn marrant, as ayns dt’ennym ta shin goll noi’n earroo mooar shoh: O Hiarn, she uss nyn Yee, ny lhig da dooinney goaill niart ort.

Psalmyn 115:1

Cha nee dooinyn, O Hiarn, cha nee dooinyn, agh da dt’Ennym cur yn moylley: son dty vyghin ghraihagh, as er coontey dt’ynrickys.

Psalmyn 25:11

Cre’n dooinney ta goaill aggle roish y Chiarn: eshyn nee eh leeideil ayns y raad lhisagh eh ’reih.

Psalmyn 31:3

As bee uss my chreg lajer, as thie my endeilys: dy vod oo m’y hauail.

Psalmyn 65:3

Ta my ghrogh-yannoo geddyn y varriaght orrym: O bee uss myghinagh da nyn beccaghyn.

Isaiah 43:25

Mish, dy jarroo mish hene eh, ta leih dhyt dty loghtyn er my ghraih hene, as cha gooin-ym er dty pheccaghyn.

Isaiah 48:9

Er graih my ennym nee’m my yymmoose y lhiettal, as er graih my voylley lhig-ym shaghey, nagh stroie-ym oo.

Jeremiah 14:21

Ny cur feoh dooin, son graih dty ennym; ny lhig da stoyl-reeoil dty ghloyr ve er ny oltooan: cooinee orrin, ny brish dty chonaant rooin.

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Ezekiel 20:14

Agh dobbree mee er graih my ennym hene, nagh beagh eh er ny oltooaney mastey ny ashoonee, ayns y chilley oc hug mee lhiam ad magh.

Ezekiel 20:44

As bee fys eu dy nee mish y Chiarn, tra ta mee er ghellal riuish er graih my ennym, cha nee cordail rish nyn raaidyn mee-chrauee, ny cordail rish nyn ghrogh-yannoo O shiuish hie Israel, ta’n Chiarn Jee dy ghra.

Ezekiel 20:9

Agh dobbree mee er graih m’ennym hene, nagh beagh eh er ny oltooaney kiongoyrt rish ny ashoonee, nyn mastey v’ad, ayns y chilley oc ren mee mee-hene y hoilshaghey daue, ayns coyrt lhiam ad magh ass cheer Egypt.

Daniel 9:19

O Hiarn eaisht rooin, O Hiarn leih dooin, O Hiarn cur dooin clashtyn, as jean er nyn son, ny lhig shaghey, er dty ghraih hene, O my Yee: son ta dty ard-valley, as dty phobble goll fo dty ennym.

Daniel 9:9

Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï:

Malachi 2:2

Mannagh jean shiu clashtyn, mannagh gow shiu gys nyn gree eh, dy ghloyraghey my ennym’s, ver-ym eer mollaght erriu, as ver-ym mollaght er ny bannaghtyn eu; lioar, ta mee hannah er chur mollaght orroo, er-yn-oyr nagh vel shiu goaill eh gys nyn gree.

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er-graihagh:

Joshua 7:9

Son nee ny Canaaniteyn, as ooilley cummaltee ny cheerey, clashtyn jeh, as nee ad shin y chruinnaghey mygeayrt, as giarey jeh yn ennym ain veih’n thalloo: as cre nee uss er son gloyr dty ennym mooar hene?