Psalmyn 79:8 - Yn Vible Casherick 1775 1819

⁸ O ny cooinee er ny shenn pheccaghyn ain, agh jean myghin orrin, as shen dy leah: son ta shin er jeet gys treihys vooar.

Lioar ny Psalmyn 1765 (Pointed)

⁸ O ny cooinee er ny shenn pheccaghyn ain, agh jean myghin orrin, as shen dy-leah: son ta shin er jeet gys treihys vooar.

Psalmyn 79:8 ပူးပေါင်းရင်းမြစ်များ

Genesis 15:16

Agh ayns y chiarroo heeloghe hig ad gys shoh reesht: son cha vel mee-chraueeaght ny Amoriteyn foast er jeet gys yn yrjid.

1 Reeaghyn 17:18

As dooyrt ee rish Elijah, Cre ta mee er n’yannoo rhyt’s, O uss ghooinney dy Yee? vel oo er jeet hym’s dy eamagh er my pheccah gys cooinaghtyn, as dy ve baase my vac?

Psalmyn 106:43

Ny-yeih tra honnick eh nyn seaghyn: ren eh nyn accan y chlashtyn.

Psalmyn 116:6

Ta’n Chiarn coadey adsyn ta gyn-loght: va mish ayns seaghyn, as chooin eh lhiam.

Psalmyn 130:3

My vees uss, Hiarn, gyere dy ghoaill tastey jeh nyn shaghrynys: O Hiarn, quoi oddys shassoo fo?

Psalmyn 142:6

Deïe mee hood’s, O Hiarn, as dooyrt mee: Uss my hreishteil as my eiraght ayns cheer y sleih bio.

Psalmyn 21:3

Son ver oo dasyn ro-laue bannaghtyn dy vieys: as soiaghey attey dy airh ghlen er e chione.

Psalmyn 25:7

Graysoil as cairal ta’n Chiarn: shen-y-fa ynsee eh da peccee yn raad cair.

Exodus 32:34

Immee nish, er-y-fa shen, jean y pobble y leeideil gys yn cheer mychione ta mee er loayrt rhyt: Cur-my-ner, hed my ainle royd: Ny-yeih, ayns laa yn cherraghey, neem’s cooinaghtyn er shoh nyn beccah.

Isaiah 64:9

Ny bee feer jymmoosagh, O Hiarn, chamoo cooinee er y vee-chairys ain son dy bragh: cur-my-ner, jeeagh, ta shin guee ort, ta shin ooilley dty phobble.

Ezekiel 2:3

As dooyrt eh rhym, Vac y dooinney, ta mee dy dty choyrt gys cloan Israel, gys ashoon mee-viallagh, t’er n’irree-magh m’oï: t’adsyn as nyn ayraghyn er n’irree-magh m’oï, eer gys y laa t’ayn jiu.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Hosea 8:13

T’ad ouralley feill son ourallyn my hebballyn, as t’ad gee eh; agh cha vel y Chiarn jannoo soiaghey jeu: nish nee eh cooinaghtyn er nyn mee-chairys, as kerraghey nyn beccaghyn: nee ad chyndaa reesht gys Egypt.

Hosea 9:9

T’ad er hayrn loght trome orroo hene, myr ayns laghyn Ghibeah: shen-y-fa nee eh cooinaghtyn er nyn mee-chairys, nee eh goaill cooilleeney son nyn beccaghyn.

Deuteronomy 28:43

Yiow’n joarree, ta cummal mayrt, seose foddey er-dty-skyn: as hig uss sheese feer injil.

Ashlish 18:5

Son ta e peccaghyn er roshtyn gys niau, as ta Jee er chooinaghtyn er y vee-chairys eck.