Psalmyn 79:5 - Yn Vible Casherick 1775 1819

⁵ Hiarn, caïd vees oo corree: jean dty eadolys lostey myr aile son dy bragh?

Lioar ny Psalmyn 1765 (Pointed)

⁵ Hiarn, caid vees oo corree: jean dty eadolys lostey myr aile son dy-bragh?

Psalmyn 79:5 ပူးပေါင်းရင်းမြစ်များ

Psalmyn 103:9

Cha bee eh kinjagh corree: chamoo t’eh freayll e yymmoose son dy bragh.

Psalmyn 6:4

Chyndaa uss, O Hiarn, as livrey m’annym: O saue mee er graih dty vyghinyn.

Psalmyn 74:1

O Yee, cre’n-fa t’ou freayll oo hene voïn choud dy hraa: cre’n-fa ta dty yymmoose cha cheh noi kirree dty phastyr?

Psalmyn 80:4

O Hiarn Yee dy heshaght-chaggee flaunys: caïd vees oo corree rish dty phobble ta goaill padjer?

Psalmyn 80:5

T’ou beaghey ad lesh yn arran dy yheïr: as coyrt daue palchey dy yheïr dy iu.

Psalmyn 85:5

Bee oo jymmoosagh rooin son dy bragh: as jean oo dty chorree y heeyney magh veih un sheeloghe gys sheeloghe elley?

Psalmyn 89:46

O cooinee cre cha giare as ta my hraa: cre’n-fa t’ou uss er n’yannoo dy chooilley ghooinney dy ve fardalagh?

Psalmyn 89:47

Quoi’n dooinney ta bio, nagh vaik y baase: as jean eh yn annym echey y livrey veih laue yn oaie?

Isaiah 64:9

Ny bee feer jymmoosagh, O Hiarn, chamoo cooinee er y vee-chairys ain son dy bragh: cur-my-ner, jeeagh, ta shin guee ort, ta shin ooilley dty phobble.

Dobberan 5:22

Agh t’ou uss dy bollagh er n’yiooldey rooin: t’ou feer jymmoosagh nyn ’oï.

Ezekiel 36:5

Shen-y-fa, myr shoh ta’n Chiarn Jee dy ghra, S’feer eh, ayns aile my eadolys ta mee er loayrt noi yn chooid elley jeh ny ashoonee, as noi ooilley Idumea, ta er ghoaill orroo dy hoiaghey magh yn thalloo aym’s son eiraght daue hene, lesh slane boggey nyn gree, lesh aignaghyn elgyssagh, dy yiarey magh eh son spooilley.

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Zephaniah 1:18

Chamoo oddys yn argid, ny yn airh oc sauail ad ayns laa jymmoose y Chiarn, agh bee yn slane cheer er ny choyrt mow lesh aile yn eadolys echey: son nee eh dy jarroo, dy leah geddyn rea rish ooilley cummaltee yn cheer.

Zephaniah 3:8

Shen-y-fa, fark-jee orrym’s, ta’n Chiarn dy ghra, derrey’n laa irree-ym seose gys y chragh: son ta mee kiarit dy haglym ny ashoonyn, dy hayrn cooidjagh ny reeriaghtyn, dy gheayrtey magh orroo my yymmoose, eer slane dewilys my chorree: son bee ooilley yn ooir er ny lostey seose lesh aile my eadolys.

Zechariah 1:12

Eisht dreggyr ainle y Chiarn, as dooyrt eh, O Hiarn ny flaunyssee, caïd nagh jean oo soilshaghey myghin er Jerusalem, as er ard-valjyn Yudah, nyn ’oï t’ou er ve nish jymmoosagh, son three-feed bleïn as jeih?

Deuteronomy 29:20

Cha lhig y Chiarn lesh, agh nee corree’n Chiarn, as e eadolys eisht lossey noi’n dooinney shen, as nee ooilley ny mollaghtyn, ta scruit ’sy lioar shoh, lhie er, as nee’n Chiarn e ennym y gholley ass veih fo niau.

Deuteronomy 32:16

Ren ad eh y vrasnaghey gys corree, lesh jeeghyn joarree, lesh nyn obbraghyn eajee vrasnee ad eh.

Deuteronomy 32:22

Son ta aile er vrishey magh ayns my yymmoose, nee lostey gys y diunid sodjey sheese, as ver eh mow yn thalloo, lesh e bishagh, as ver eh aile fo undinyn ny sleityn.

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?