Psalmyn 79:4 - Yn Vible Casherick 1775 1819

⁴ Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Lioar ny Psalmyn 1765 (Pointed)

⁴ Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Psalmyn 79:4 ပူးပေါင်းရင်းမြစ်များ

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

Nehemiah 1:3

As dooyrt ad rhym, Ta’n sluight t’er-mayrn jeh’n chappeeys ’sy rheam ayns seaghyn trome, as ayns faghid: ta voalley Yerusalem myrgeddin brisht sheese, as ny giattyn eck losht lesh aile.

Nehemiah 2:19

Agh tra cheayll Sanballat yn Horonite as Tobiah sharvaant yn Ammonite, as Gesham yn Arabian jeh shoh, hie ad dy chraidey mooin, as hoie ad beg j’in, as va shin ayns faghid, as dooyrt ad, Cre shoh ta shiu mysh? vel shiu son girree-magh noi’n ree?

Psalmyn 80:6

T’ou uss er n’yannoo shin eer streeu da nyn naboonyn: as ta nyn noidyn garaghtee orrin gys craid.

Psalmyn 89:41

T’ou er hoiaghey seose laue yesh e noidyn: as er chur orroosyn ooilley va n’oï dy ghoaill boggey.

Isaiah 43:28

Shen-y-fa, ta mee er hayrn mee-ooashley er princeyn y chiamble, as ta mee er n’yannoo Jacob son mollaght, as Israel son oltooan.

Jeremiah 24:9

As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.

Jeremiah 25:18

Ta shen dy ghra, Jerusalem, as ard-valjyn Yudah, as nyn reeaghyn, as nyn brinceyn, dy yannoo ad ny hraartys, as ny atchim, son flout, as faghid, as mollaght; (myr te ec y laa t’ayn jiu;)

Jeremiah 42:18

Son myr shoh ta Chiarn ny flaunyssee, Jee Israel, dy ghra, Myr va my yymmoose as my eulys deayrtit magh er cummaltee Yerusalem; myr shen vees my eulys er ny gheayrtey magh erriuish, tra hed shiu gys Egypt: as bee shiu son ard-vollaght, as son atchim, as son mollaght-mynney, as son oltooan, as cha vaik shiu yn ynnyd shoh arragh.

Jeremiah 51:51

Ta shin mow, er-y-fa dy vel shin er chlashtyn oltooan: ta nearey er choodaghey nyn eddin; son ta joarreeyn er jeet stiagh gys ynnydyn smoo casherick thie yn Chiarn.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Dobberan 5:1

Cooinee, O Hiarn, cre t’er jeet orrin, smooinee er, as cur-my-ner nyn oltooan.

Ezekiel 22:5

Adsyn ta er-gerrey, as adsyn ta foddey voïd, craidee ad mood, uss ta drogh ghoo jeed, as dy mooar seaghnit.

Ezekiel 35:12

As bee fys ayd, dy nee mish y Chiarn, as dy vel mee er chlashtyn ooilley yn oltooan shen, t’ou er loayrt noi sleityn Israel, gra, T’ad jeant follym-faase, t’ad er nyn goyrt dooinyn dy chur ad naardey,

Ezekiel 36:15

Chamoo ver-yms er sleih clashtyn aynyd nearey ny ashoonee ny-sodjey, chamoo nee oo arragh gymmyrkey oltooan y phobble, chamoo ver oo er dty heelogheyn hene dy huittym arragh, ta’n Chiarn Jee dy ghra.

Ezekiel 36:3

Shen-y-fa, jean phadeyrys, as abbyr, Myr shoh ta’n Chiarn Jee dy ghra, Er-yn-oyr dy vel ad er n’yannoo shiu follym-faase, as er lhuggey shiu seose er dagh cheu, shiu dy ve son eiraght da’n chooid elley jeh ny ashoonee, as dy vel shiu goit seose ayns beïll ny tutleryn, as son oltooan er y pobble:

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Zephaniah 3:18

Tayrn-yms cooidjagh jeed’s adsyn ta trimshagh son y chaglym-casherick, dauesyn va’n oltooan echey seaghnagh.

Zechariah 8:13

As hig eh gy-kione, myr va shiu mollaght mastey ny ashoonee, O hie Yudah, as hie Israel; myr shen nee’m shiuish y hauail, as bee shiu son bannaght: ny bee aggle erriu, agh lhig da ny laueyn eu ve lajer.

Deuteronomy 28:37

As hig oo dy ve son atchim, as son an-ghoo, as son oltooan, mastey ooilley ny ashoonyn, huc nee’n Chiarn oo y eebyrt.