Psalmyn 79:3 - Yn Vible Casherick 1775 1819

³ Yn uill oc t’ad er gheayrtey myr ushtey er dy chooilley heu dy Yerusalem: as cha row dooinney erbee dy oanluckey ad.

Lioar ny Psalmyn 1765 (Pointed)

³ Yn uill oc t’ad er gheayrtey myr ushtey er dy-chooilley cheu dy Yerusalem: as cha row dooinney erbee dy oanluckey ad.

Psalmyn 79:3 ပူးပေါင်းရင်းမြစ်များ

Psalmyn 141:7

Lhig da ny briwnyn oc cherraghtyn ayns ynnydyn claghagh: dy vod ad clashtyn my ghoan, son t’ad millish.

Psalmyn 79:10

Cre’n-fa ta ny ashoonyn-quaagh gra: Cre vel nish yn Jee oc?

Jeremiah 14:16

As bee yn pobble daue t’ad phadeyrys er nyn dilgey magh ayns straïdyn Yerusalem, kyndagh rish y ghortey as y cliwe; as cha bee unnane erbee dy oanluckey ad, ad-hene, nyn mraane, ny nyn mec, ny nyn inneenyn; son neem’s kerraghey nyn mee-chraueeaght y gheayrtey magh orroo.

Jeremiah 15:3

As ver-yms kiare briwnyssyn magh orroo, ta’n Chiarn dy ghra; yn cliwe dy varroo, as ny moddee dy raipey, as eeanlee’n aer, as beishtyn yn ooir, dy chur mow as dy yannoo jeeill.

Jeremiah 16:4

Yiow ad baase atchimagh: cha bee dobberan jeant er nyn son, chamoo vees ad er n’oanluckey; agh bee ad myr eoylley er eaghtyr y thallooin; as hed ad er stroie lesh y chliwe, as lesh gortey; as bee ny callinyn oc son beaghey da eeanlee yn aer, as son beishtyn y thallooin.

Jeremiah 25:33

As bee merriu yn Chiarn ec y laa shen veih kione dy kione ny hooirey: cha bee dobberan jeant harrystoo, chamoo hed ad er jaglym, ny er n’oanluckey; agh bee ad myr eoylley er y thalloo.

Jeremiah 34:20

Ver-yms ad dy feer gys laue nyn noidyn, as gys y laue ocsyn ren shirrey nyn mioys; as bee ny callinyn oc son beaghey da eeanlee yn aer, as da beishtyn y thallooin.

Zephaniah 1:17

As ver-ym lhiam seaghyn er deiney, dy jean ad shooyl myr deiney doal, er-yn-oyr dy vel ad er n’yannoo peccah noi yn Chiarn: as bee yn uill oc deayrtit magh myr joan, as yn eill oc myr gaerr.

Noo Mian 23:35

Dy vod ooilley yn uill chairagh hie er deayrtey er y thalloo tuittym erriu, veih fuill Abel cairagh, gys fuill Zacharias, mac Varachias, eh ren shiu y varroo eddyr y chiamble as yn altar.

Romanee 8:36

(Myr te scruit, Er dty ghraih ta shin ayns dangeyr baaish fey-ny-laa; ta shin coontit myr kirree ta pointit dy ve er nyn stroie)

Ashlish 11:9

As nee adsyn jeh’n pobble, as jeh ny kynneeyn, as ny glaraghyn, as ny ashoonyn, fakin ny kirp marroo oc three laa dy lieh, as cha lhig ad da ny kirp marroo oc dy ve oanluckit.

Ashlish 16:6

Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.

Ashlish 17:6

As honnick mee yn ven er-meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.

Ashlish 18:24

As aynjee v’er ny gheddyn fuill phadeyryn, as nooghyn, as [yn uill] ocsyn ooilley v’er nyn ghunverys er y thalloo.