Psalmyn 78:8 - Yn Vible Casherick 1775 1819

⁸ Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Lioar ny Psalmyn 1765 (Pointed)

⁸ Dy voddagh ad nyn dreishteil y choyrt ayns Jee: as gyn obbraghyn Yee y yarrood, agh ny annaghyn echeysyn y reayll.

Psalmyn 78:8 ပူးပေါင်းရင်းမြစ်များ

2 Reeaghyn 17:14

Ny-yeih, cha n’eaishtagh ad, agh v’ad creoi-wannallagh, myr va nyn ayraghyn, nagh ren credjal ayns y Chiarn y Jee oc.

2 Recortyssyn 12:14

As ren eh olk, er-yn-oyr nagh hoie eh e chree dy hirrey yn Chiarn.

2 Recortyssyn 19:3

Ny-yeih, t’ou er n’yannoo reddyn ennagh dy mie, ayns dy vel oo er ghoaill ersooyl ny jallooyn ass y cheer, as er hoiaghey dty chree, dy eiyrt er Jee.

2 Recortyssyn 20:33

Ny-yeih, cha row ny ard-ynnydyn dy bollagh er ny ghoaill ersooyl; son cha row’n pobble foast dy slane er hoiaghey nyn greeaghyn er Jee nyn ayraghyn.

2 Recortyssyn 30:19

Agh ghow Hezekiah padjer er nyn son, gra, Dy bee’n Chiarn mie myghinagh da dy chooilley unnane ta kiarail ayns ynrickys e chree dy hirrey Jee, yn Chiarn, Jee e ayraghyn, ga nagh vel eh er roshtyn gys slane glennid y leigh.

2 Recortyssyn 30:7

As ny bee-jee goll-rish nyn ayraghyn, as nyn mraaraghyn, ren peccah y yannoo noi’n Chiarn, Jee nyn ayraghyn, ren er-yn-oyr shen ad y livrey seose gys traartys, myr ta shin hene dy akin.

Lioar Yob 11:13

My nee oo dty chree y chiartaghey, as dty laueyn y heeyney seose huggeysyn;

Psalmyn 106:7

Cha dug nyn ayraghyn tastey da dty yindyssyn ayns Egypt, chamoo dreill ad dty vieys vooar ayns cooinaghtyn: agh v’ad mee-viallagh ec yn aarkey, dy jarroo ec y Faarkey Jiarg.

Psalmyn 68:6

Eshyn y Jee ta cur er deiney dy ve jeh un aigney ayns thie, as ta cur lesh ny pryssoonee magh ass cappeeys: agh lhiggey da ny wagaantee tannaghtyn ayns genney.

Psalmyn 78:37

Son cha row yn cree oc slane leshyn: chamoo ren ad tannaghtyn shickyr ayns e chonaant.

Psalmyn 78:40

Son chooinee eh nagh row ad agh feill: as nagh row ad agh myr geay ta goll ersooyl as nagh vel cheet reesht.

Psalmyn 78:56

Hilg eh magh ny ashoonyn-quaagh myrgeddin kiongoyrt roo: hug eh er y cheer oc dy ve er ny rheynn ny mast’ oc son eiraght, as hug eh er sheelogheyn Israel dy chummal ayns ny cabbaneyn oc.

Exodus 32:9

As dooyrt y Chiarn rish Moses, Ta mee er vakin yn pobble shoh, as cur-my-ner pobble creoi-wannallagh ad.

Exodus 33:3

Gys cheer raad ta palchey dy vainney as mill; son cha jem’s seose ny mast’ eu; son dy nee pobble creoi-wannallagh shiu; nagh stroie-ym shiu er y raad.

Exodus 33:5

Son va’n Chiarn er ghra rish Moses, Abbyr rish cloan Israel, Pobble creoi-wannallagh shiu; hig-yms nyn mastey ’sy tullogh, dy choyrt mow shiu: cur nish er-y-fa shen jeed dty choamraghyn moyrnagh, dy voddym fakin cre dy yannoo rhyt.

Exodus 34:9

As dooyrt eh, My ta mee nish er gheddyn foayr ayns dty hilley, O Hiarn, lhig da my Hiarn, ta mee guee ort, goll nyn mastey, (ga dy nee pobble creoi-wannallagh ad) as leih dooin nyn loghtyn, as nyn beccaghyn, as gow shin son dty eiraght hene.

Isaiah 30:9

Dy nee pobble mee-viallagh shoh, cloan vreagagh, cloan nagh jean clashtyn leigh yn Chiarn;

Ezekiel 20:18

Agh dooyrt mee rish nyn gloan ayns yn aasagh, Ny immee-jee shiuish ayns slattyssyn ny ayraghyn eu, chamoo cur-jee geill da ny briwnyssyn oc, chamoo tayrn-jee peccah erriu hene lesh nyn yallooyn.

Ezekiel 20:8

Agh dirree adsyn magh m’oï, as cha jinnagh ad clashtyn rhym: cha ren ad dy chooilley ghooinney tilgey voue peccaghyn dwoaiagh e hooillyn, chamoo hreig ad jallooyn Egypt: eisht dooyrt mee, Deayrt-yms magh my eulys orroo, dy chooilleeney my yymmoose nyn ’oï ayns mean cheer Egypt.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 7:51

Shiuish chreoi-wannallee, as an-ghiarey-chymmyltee ayns cree as cleayshyn, ta shiu kinjagh shassoo magh noi yn Spyrryd Noo: myr va ny ayraghyn eu, myr shen ta shiuish.

Deuteronomy 31:27

Son shione dou dty vee-viallys, as dty chreoi-wannallys: cur-my-ner, eer rish my lhing hene, gys y laa t’ayn jiu, ta shiu er ve mee-viallagh da’n Chiarn; as cre-woad smoo eisht lurg my vaase?

Deuteronomy 4:4

Agh shiuish ren lhiantyn gys y Chiarn nyn Yee, ta shiu ooilley er-mayrn gys y laa t’ayn jiu.

Deuteronomy 9:13

Ny-sodjey, loayr y Chiarn rhym’s, gra, Ta mee er vakin y pobble shoh, as cur-my-ner, pobble creoi-wannallagh ad.

Deuteronomy 9:24

Ta shiu er ve mee-viallagh noi yn Chiarn, er-dyn laa va ainjys aym erriu.

Joshua 22:15

As haink ad gys cloan Reuben, as gys cloan Ghad, as gys lieh-tribe Vanasseh, ayns cheer Ghilead, as loayr ad roo, gra,

1 Samuel 8:8

Cordail rish ooilley ny obbraghyn t’ad er n’yannoo, er-dyn laa hug mee lhiam ad seose ad Egypt gys yn eer laa shoh, lioroo t’ad er my hreigeil, as er hirveish jeeghyn elley; myrgeddin t’ad jannoo rhyt’s.