Psalmyn 78:71 - Yn Vible Casherick 1775 1819

⁷¹ Reih eh myrgeddin David e harvaant: as ghow eh ersooyl eh veih ny bwoailtchyn keyrragh;

Lioar ny Psalmyn 1765 (Pointed)

⁷¹ Reih eh myrgeddin David e harvaant: as ghow eh ersooyl eh veih ny bwoaillchyn-keyrragh;

Psalmyn 78:71 ပူးပေါင်းရင်းမြစ်များ

Genesis 33:13

As dooyrt eh rish, Ta fys ec my hiarn, dy vel y chloan faase, as ta ny shioltaneyn as ny immanyn trome ta mârym: as my vees ad eiyrit ro hiyragh agh un laa, bee yn slane shioltane dy choayl.

2 Samuel 20:19

Ta mish unnane jeusyn ta sheeoil as firrinagh ayns Israel: t’ou shirrey stroie ard-valley, as moir balley ayns Israel: cre’n-fa nee oo sluggey seose eiraght y Chiarn?

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

2 Samuel 5:2

Myrgeddin roish nish, tra va Saul ny ree harrin, uss va ard-leeideilagh Israel: as dooyrt y Chiarn rhyt’s, Bee uss bochilley er my phobble Israel, as bee uss dty ard-chaptan harrish Israel.

2 Samuel 7:8

Nish er-y-fa shen, myr shoh jir oo rish my harvaant David, Myr shoh ta’n Chiarn dy heshaght-flaunyss gra, Ghow mish oo veih ny bwoailtchyn keyrragh, veih goaill kiarail jeh ny kirree, dy ve fer-reill harrish my phobble Israel.

1 Recortyssyn 11:2

As marish shoh cha voddey er-dy-henney, eer tra va Saul ny ree, uss v’eh, hie magh as stiagh roish Israel ayns caggey: as rhyt’s dooyrt y Chiarn dty Yee, Uss nee bochillagh my phobble Israel, as uss nee reill harrish my phobble Israel.

Psalmyn 28:9

Yn Chiarn my niart: as eshyn fendeilys slayntoil e er-ooilit.

Isaiah 40:11

Nee eh fassaghey e hioltane myr bochilley; nee eh chaglym ny eayin lesh e roih, as ver eh lesh ad ayns e oghrish, as dy meeley adsyn ta trome y leeideil.

Noo Mian 2:6

As uss Vethlehem ayns cheer Yudea, cha nee oo sloo ta mastey princeyn Yuda: son assyd’s hig Kiannoort nee reill my phobble Israel.

1 Peddyr 5:2

Cur-jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?