Psalmyn 78:34 - Yn Vible Casherick 1775 1819

³⁴ Tra stroie eh ad, ren ad eh y hirrey: as hyndaa ad ad-hene dy moghey, as ren ad briaght lurg Jee.

Lioar ny Psalmyn 1765 (Pointed)

³⁴ Tra stroie eh ad, ren ad eh y hirrey: as hyndaa ad ad hene dy-moghey, as ren ad briaght lurg Jee.

Psalmyn 78:34 ပူးပေါင်းရင်းမြစ်များ

Isaiah 26:16

Hiarn, ayns seaghyn t’ad er yeeaghyn er dty hon; gheayrt ad magh padjer tra va dty smaght orroo.

Isaiah 26:6

Nee’n cass stampey sheese eh, dy jarroo cassyn ny boghtyn, as kesmadyn ny ymmyrchee.

Jeremiah 22:23

O chummaltagh Lebanon, ta jannoo dty edd ayns ny biljyn-cedar, kys nee oo gaccan tra hig pianyn ort, angaish myr t’ec ben er-troailt!

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Hosea 7:14

As cha vel ad er ghoaill padjer hym veih nyn gree, tra v’ad gaccan er nyn lhiabbaghyn: t’ad chaglym cooidjagh son arroo as feeyn, as girree-magh m’oï.

Earrooyn 21:7

Shen-y-fa haink y pobble gys Moses, as dooyrt ad, Ta shin er n’yannoo peccah, son ta shin er loayrt noi’n Chiarn, as dt’oï’s; guee gys y Chiarn dy ghoaill ersooyl ny ard-nieughyn voïn: as ghow Moses padjer son y pobble.

Briwnyn 4:3

As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.