Psalmyn 78:10 - Yn Vible Casherick 1775 1819

¹⁰ Goll-rish cloan Ephraim: lurg daue ve eïllit son caggey, as cur lhieu bowaghyn, hyndaa ad nyn gooyl ayns laa yn chaggey.

Lioar ny Psalmyn 1765 (Pointed)

¹⁰ Goll-rish cloan Ephraim: lurg daue ve eïllit son caggey, as cur lhieu bowaghyn, hyndaa ad nyn gooyl ayns laa yn chaggey.

Psalmyn 78:10 ပူးပေါင်းရင်းမြစ်များ

Nehemiah 9:17

As dob ad dy ve biallagh, chamoo dreill ad ayns cooinaghtyn dty yindyssyn ren oo ny mast’ oc: agh chreoi ad nyn mwannal, as ayns yn irree-magh oc phoint ad captan, dy hyndaa reesht gys nyn mondiaght: agh t’ou uss Jee arryltagh dy phardooney, graysoil as myghinagh, moal gys corree, as dy chenjallys vooar, as cha ren oo ad y hreigeil.

Exodus 16:28

As dooyrt y Chiarn rish Moses, Caïd obbys shiu biallys da my haraghyn, as my leighyn?

Jeremiah 31:32

Cha nee rere y chonaant ren mee rish nyn ayraghyn, ’sy laa ghow mee ad er y laue, dy chur lhiam ad ass cheer Egypt; (my chonaant cheddin vrish ad, ga dy row mee myr dooinney-poost dauesyn, ta’n Chiarn dy ghra;)

Ezekiel 20:21

Ny-yeih dirree yn chloan magh m’oï: cha jimmee ad ayns my lattyssyn, chamoo dreill ad my vriwnyssyn, dy yannoo ad, ad shen my nee dooinney y chooilleeney, bee eh eer bio lioroo; vrish ad my ghooneeyn: eisht dooyrt mee, dy deayrtin magh my eulys orroo, dy chooilleeney my yymmoose nyn ’oï ayns yn aasagh.

Deuteronomy 31:16

As dooyrt y Chiarn rish Moses, Cur-my-ner, nee uss cadley marish dty ayraghyn, as nee’n pobble shoh girree magh, as geiyrt er maarderys [spyrrydoil] rish jeeghyn joarree y cheer, raad t’ad goll dy vaghey, as nee ad m’y hreigeil, as brishey my chonaant, ta mee er n’yannoo roo.

Deuteronomy 31:20

Son erreish dou v’er choyrt lhiam ad gys y cheer, vreear mee da nyn ayraghyn, ta palchey ayns bainney as mill; as erreish daue v’er n’ee as er n’yannoo ad hene magh, as er n’aase rouanagh; eisht nee ad chyndaa gys jeeghyn elley, as shirveish ad, as brasnaghey mish, as brishey my chonaant.