Psalmyn 77:2 - Yn Vible Casherick 1775 1819

² Ayns traa my heaghyn hir mee yn Chiarn: ren my hing roie, as cha ghow eh fea fud-ny-hoie; ren m’annym gerjagh y obbal.

Lioar ny Psalmyn 1765 (Pointed)

² Ayns traa my heaghyn hirr mee yn Chiarn: ren my hing roih, as cha ghow eh fea fud-ny-hoie; ren m’annym gerjagh y obbal.

Psalmyn 77:2 ပူးပေါင်းရင်းမြစ်များ

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Genesis 37:35

As dirree ooilley e vec, as ooilley e inneenyn dy gherjaghey eh; agh dob eh dy ve er ny gherjaghey: as dooyrt eh; Son hem’s sheese ’syn oaie gys my vac, lesh trimshey. Shoh myr ren e ayr dobberan er e hon.

2 Recortyssyn 6:28

My vees gortey ’sy cheer, my vees y chramp ayn, my vees blest ayn, ny druight pyshoonagh, locustyn, ny praddagyn; my nee nyn noidyn ad y hionney stiagh ayns ard-valjyn nyn jeer, cre-erbee’n doghan, ny cre-erbee’n chingys vees ayn:

Lioar Yob 11:13

My nee oo dty chree y chiartaghey, as dty laueyn y heeyney seose huggeysyn;

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 55:17

Er my hon’s, eïe-ym er Jee: as nee’n Chiarn m’y hauail.

Psalmyn 63:6

Bee m’annym er ny yannoo magh, dy jarroo myr dy beagh eh lesh smuir as meeaylys: tra ta my veeal dy dty voylley lesh meillyn gerjoil.

Psalmyn 86:7

Ayns earish my heaghyn nee’m geamagh ort: son t’ou dy my chlashtyn.

Raaghyn Creeney 18:14

Nee spyrryd dooinney gymmyrkey lesh fo annooinid e ghooghys: agh spyrryd guint quoi oddys y ymmyrkey?

Isaiah 26:16

Hiarn, ayns seaghyn t’ad er yeeaghyn er dty hon; gheayrt ad magh padjer tra va dty smaght orroo.

Isaiah 26:9

Lesh my annym ta mee er yeearree oo ’syn oie; dy jarroo, lesh my spyrryd cheu-sthie jee’m nee’m shirrey hood dy moghey: son tra ta dty vriwnyssyn er y thalloo, nee cummaltee yn theihll gynsaghey cairys.

Jeremiah 31:15

Myr shoh ta’n Chiarn dy ghra, Va coraa er ny chlashtyn ayns Ramah, dobberan, as keayney sharroo; Rachel keayney son e cloan, er-yn-oyr nagh row veg jeu faagit.

Hosea 5:13

Tra honnick Ephraim e hingys, as Judah e lhott, eisht hie Ephraim gys yn Assyrian, as hug eh fys gys ree Jareb: ny-yeih cha row eh son shiu y lheihys, ny nyn lhott y laanaghey.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Noo Ean 11:31

Ny Hewnyn eisht va mâree ayns y thie dy gherjaghey ee, tra honnick ad dy dirree Moirrey dy tappee, as dy jagh ee magh, deiyr ad urree, gra, T’ee goll gys yn oaie dy cheayney ayns shen.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;